رەسەي فەدەراسياسىنىڭ پرەمەر - ءمينيسترى دميتريي مەدۆەديەۆتىڭ  سىبايلاس جەمقورلىققا قاتىسى بار دەگەن كۇدىكپەن ەل اراسىندا نارازىلىقتار تۋىنداعان. نارازىلىق  سالدارىنان مەدۆەديەۆ ءوزىنىڭ  بيلىكتەگى ورنىنان ايىرىلىپ قالۋى مۇمكىن دەپ حابارلايدى قامشى اقپاراتتىق اگەنتتىگى Bloomberg اگەنتتىگىنىڭ مالىمەتىنە سۇيەنىپ. .

رەسەي ب ا ق وكىلدەرىنىڭ ايتۋى بويىنشا، پرەمەر – مينيستر ءوز بولاشاعى ءۇشىن ۋايىمداۋدا. باسقا دا ەكى باسىلىمنىڭ مالىمەتى بويىنشا، 2018 جىلدىڭ ناۋرىز ايىندا رەسەيدە پرەزيدەنت سايلاۋى وتەدى . ال سايلاۋ جاقىنداعان سايىن پرەمەر - ءمينيستردىڭ  وسالدىق تانىتانىنى ءمالىم دەيدى. مەدۆەديەۆ سايلاۋ ناتيجەسىنىڭ وڭ بولۋى ءۇشىن ءبىرشاما شىعىن شىعارۋى مۇمكىن دەگەن بولجام بار.

ناۋرىز ايىنداعى سىبايلاس جەمقورلىققا قارسى قوردىڭ اتقارعان جۇمىسىنىڭ ناتيجەسىندە مەدۆەديەۆتىڭ «قۇپيا يمپەرياسى» تابىلعان بولاتىن.  سوعان بايلانىستى  مەملەكەت ىشىندە جەمقورلىققا قارسى ميتينگتەر ورىن العان. حالىق اراسىندا وسى ىسكە بايلانىستى ساۋالناما جۇرگىزىلگەن. ساۋالناما قورىتىندىسى بويىنشا، رەسەي حالقىنىڭ تەڭ جارتىسى  پرەمەر-مينيستردىڭ وتستاۆكاعا كەتۋىن تالاپ ەتىپ وتىر.

جەمقورلىققا قارسى قوردىڭ مالىمەتى بويىنشا، مەدۆەديەۆتىڭ بىرنەشە ءزاۋلىم ءۇيى مەن ياحتاسى بار. شاراپ شىعاراتىن بىرنەشە زاۋىتى دا  جۇمىس ىستەيدى. ال وسى زاۋىتتاردان تۇسكەن پايدادان پرەمەر-مينيستر قايىرىمدىلىق قورىنا 70 ملرد. رۋبل بولگەنى دە انىقتالىپ وتىر.

اۋدارعان : ايگەرىم تاۋباي