اقش پرەزيدەنتى دونالد ترامپ Twitter جەلىسىندەگى ميكروبلوگىندا كحدر ۇشىرعان زىمىران ساتسىزدىككە ۇشىراعانىن جازدى، دەپ حابارلايدى قامشى اقپاراتتىق اگەنتتىگى Tengrinews.kz پورتالىنا سىلتەمە جاساپ.

"سولتۇستىك كورەيا قىتايعا جانە ونىڭ سىيلى ءتوراعاسى سي ءسزينپيننىڭ تىلەگىنە قۇرمەت كورسەتپەدى، ولار بۇگىن زىمىران ۇشىردى، الايدا ونىسى ساتسىزدىككە تاپ بولدى"، - دەپ جازدى ترامپ. 

ايتا كەتەيىك، ترامپ سولتۇستىك كورەيانىڭ يادرولىق باعدارلامادان باس تارتۋى ءۇشىن، پحەنيانعا قىسىم كورسەتۋ ماقساتىندا سي سزينپينمەن كەلىسسوزدەر جۇرگىزىپ مامىلەگە كەلگەن بولاتىن. 

ەسكە سالايىق، وسىعان دەيىن وڭتۇستىككورەيالىق ب ا ق تاڭعى جەرگىلىكتى ۋاقىت بويىنشا 05.30-دا (استانا ۋاقىتى بويىنشا 02.30-دا) كحدر پحەنان-نامدو پروۆينسياسىنىڭ پۋكچحان اۋدانىنان سولتۇستىك-شىعىسقا قاراي باعىتتاپ زىمىران ۇشىردى. مامانداردىڭ ايتۋىنشا، زىمىران ۇشىپ شىققاننان كەيىن بىرنەشە سەكۋندتان سوڭ جارىلىپ كەتكەن. 

سولتۇستىك امەريكانىڭ اۋە-عارىش قورعانىسى باسقارماسىنىڭ مالىمەتىنشە، زىمىران سولتۇستىك كورەيانىڭ شەكاراسىنان اسپاعان جانە سولتۇستىك امەريكا ءۇشىن ەش ءقاۋىپ جوق.