رەسەي امەريكا قۇراما شتاتتارىمەن وقۋشى اۋىساتىن Future Leaders Exchange باعدارلاماسىن ەكى جىلعا توقتاتتى. بۇل تۋرالى BBC جاڭالىقتارى حابارلادى.

«ءبىز رەسەي بيلىگىنىڭ وسى باعدارلامانى جاپقان ارەكەتىنە قاتتى وكىنىش بىلدىرەمىز.  بۇل - 21 جىلدىڭ ىشىندە قول جەتكىزگەن ەكى ەل حالقىنىڭ مىعىم بايلانىسىنا تۇسىرىلگەن سەلكەۋ»، - دەپ ءوز پىكىرىن بىلدىرگەن اقش-تىڭ ماسكەۋدەگى ەلشىسى دجون تەففت. ونىڭ سوزىنە ساي، FLEX باعدارلاماسى بويىنشا  8 مىڭنان استام رەسەيلىك جوعارى سىنىپ وقۋشىلارى اقش-تا ءبىلىم العان جانە امەريكانىڭ 50 شتاتىنداعى ميلليونداعان امەريكالىقتارمەن تانىسىپ، رەسەيدەن وزىق تۇستارىنا كۋا بولعان.

اتالعان باعدارلاماعا ۋكراينانىڭ، قازاقستاننىڭ، قىرعىزستاننىڭ، گرۋزيانىڭ، مولداۆانىڭ، تاجىكستاننىڭ، تۇركىمەنستاننىڭ، ارمەنيانىڭ جانە ازەربايجان رەسپۋبليكاسىنىڭ دا وقۋشىلارى قاتىسادى ەكەن. باعدارلامانىڭ ارتىقشىلىعى جول اقى، تۇرمىس قاراجاتتى قامتىعان وقۋ شىعىندارى تۇگەلدەي اقش تاراپىنان تولەنەدى.

رەسەي ءبىلىم مينيسترلىگى بۇل باعدارلامانىڭ جابىلۋىن اقش-قا وقۋعا كەتكەن وقۋشىلاردان بىرەۋى ەلگە قايتپاي، سوندا قالىپ قويۋىمەن تۇسىندىرگەن.

قامشى-اقپارات