قۇراما شتاتتار مەن اۋعانستان قاۋىپسىزدىك جونىندەگى ەكى جاقتى كەلىسىمگە قول قويدى.
قۇجات جاڭا سايلانعان پرەزيدەنت اشراف ءعانيدى ۇلىقتاۋ راسىمىنەن كەيىن بىردەن بەكىتىلگەن. بۇل تۋرالى استانا ارناسى حابارلاعان. كەلىسىمگە سايكەس 2014 جىلدان سوڭ اۋعانستان اۋماعىندا امەريكالىق 10 مىڭعا جۋىق اسكەري قالۋى ءتيىس. ال ەكى جىلدان سوڭ امەريكالىق جاۋىنگەر ەلدەن تۇگەل كەتەدى دەپ جوسپارلانعان.
"ەكىجاقتى قاۋىپسىزدىك كەلىسىمى اقش-قا اۋعانستان ۇلتتىق قاۋىپسىزدىك كۇشتەرىن دايىنداۋعا، كەڭەس بەرۋگە زاڭنامالىق نەگىز بەرەدى. بۇل ءوز كەزەگىندە تەرروريستەردىڭ اۋعانستاندى پايدالانىپ، اقش پەن ونىڭ وداقتاستارىنا شابۋىل جاساۋىنىڭ الدىن الۋعا كومەكتەسەدى"، - اقش پرەزيدەنتىنىڭ اعا كەڭەسشىسى دجون پودەستا.
قامشى-اقپارات
پىكىر قالدىرۋ