وسىدان ءبىر اپتا بۇرىن الەۋمەتتىك جەلىدە حالىقتى دۇرلىكتىرگەن ۆيدەو تارادى. قولىندا تەمەكىسى بار بويجەتكەن جول-كولىك وقيعاسىنا تۇسكەن ازاماتتار اراسىنداعى جانجالدى شەشۋ بارىسىندا «كرىشاسى» بار ەكەنىن، اكىمشىلىكتە جۇمىس ىستەيتىنىن ايتقان بولاتىن. اتالعان وقيعا بويىنشا تەكسەرۋ جۇمىستارى اياقتالىپ، ءمان-جاي انىقتالدى دەپ حابارلايدى قامشى  اقپاراتتىق اگەنتتىگى patrul.kz-كە سىلتەمە جاساپ.

الماتى وبلىسى، تالعار اۋدانى اكىمشىلىك اپپاراتىنىڭ مەڭگەرۋشىسى احمەت ءاشىماحىن بولعان جايتكە تۇسىنىكتەمە بەردى. مەڭگەرۋشىنىڭ ايتۋى بويىنشا وقيعا ورىن الا سالا، بويجەتكەننىڭ كىم ەكەنى انىقتالىپ، اكىمشىلىك اپپاراتىندا تەكسەرۋ جۇرگىزىلگەن. ناتيجەسىندە، 23  جاسار سالتاناتتىڭ اتالعان مەكەمەدە تانىس-تامىرى جوق بولىپ شىققان. تۇسىنىكتەمە بەرۋ بارىسىندا سالتانات ورىن العان جول-كولىك وقيعاسىنىڭ اسەرىنەن قاتتى قورقىنىش سەزىمىندە(شوك) بولىپ، نە ىستەپ نە قويعانىن بىلمەگەنىن جەتكىزدى. بەلگىلى بولعانداي، بويجەتكەن كوپبالالى، قاراپايىم وتباسىنان شىققان. تالعار اۋداندىق اكىمشىلىك بولىمشەلەرىنىڭ بىرىندە ەكى جىل جۇمىس ىستەگەن سوڭ، جەكەمەنشىك مەكەمەگە جۇمىسىن اۋىستىرعان. ودان بەرى، مەملەكەتتىك قىزمەتكە ەش قاتىسى بولماعان.

سالتانات حالىقتان كوز جاسىنا ەرىك بەرە وتىرىپ كەشىرىم سۇراپ، مەملەكەتتىك قىزمەتكەرلەرگە كۇمان تۋدىرىپ، ابىرگەرگە سالعانى ءۇشىن وكىنەتىنىن ايتتى. بويجەتكەن حالىق تۇسىنىستىكپەن قاراپ، كەشىرىم بەرەدى دەپ ۇمىتتەنەدى.