مەنى ونسىز دا تىم تويشىل، ساۋىقشىل «قازاعىمىزدى مىنا مەرەكەدە دە سىناۋدى قويمايتىن نەتكەن جان» دەپ سوگەرسىزدەر؟
ءبىراق ۇندەمەي قالا المادىم. تاڭ اتقالى ەكراننان امالسىز كورگەندەرىمنىڭ ءوزى قاتتى شارشاتىپ جىبەردى...
بۇگىن قازاقستان(تەك «قازاق» ەمەس) تەلەارنالارى ادەتتەگىلەرىنەن دە اسىرا ويىن-ساۋىق، سايقىمازاق، ءدامسىز، ءنارسىز تەلەحابارلارىمەن كورەرمەندەرىنىڭ ميىن ازان-قازان جاساۋدا...
بۇل نە دەگەن قاپتاعان كونسەرتتەر، وندا يىنتىرەسىپ وتىرعان كورەرمەندەر، تولىپ جاتقان فونوگراممامەن عانا وتىرىك ءان سالاتىن ءانشىسىماقتار، سولاردىڭ وتىرىك تەك اۋىز عانا جىبىرلاتىپ تۇرعاندارىن بىلسە دە، بىلمەگەن سىڭاي تانىتىپ، ۇيىي تىڭداعان قازاق كورەرمەندەرىن قالاي تۇسىنۋگە بولادى؟
انا اۋزى-باستارىن قيساڭداتقىش، اۋىزدارىنا كەلگەندەرىن ايتا سالعىش، بىتپەيتىن سايقىمازاق كلوۋندار، تاڭنىڭ اتىسى، كۇننىڭ باتىسى قازاقستان تەلەارنالارى مەن كونسەرت زالدارىن بەرمەيتىندىگى بەلگىلى. وسىلاردىڭ اۋىزدارىنا كەلگەندەرىن ايتقانىنا ىشەك-سىلەلەرى قاتا كۇلەتىن ءبىزدىڭ ساۋىقشىل كورەرمەندەردى تۇسىنۋدەن قالدىم. باسقاسىن ايتپاعان دا، ءقازىر قازاقتىڭ نەسىنە جەتىسىپ كۇلەتىنىنە دە تۇسىنۋدەن قالدىم. انا ىرجاڭداعان قويانبايەۆتار مەن قاباتوۆتار جانە ت.ب. جىرتىلىپ، ايرىلاتىن سايقىمازاقتاردان شارشامايتىن نە دەگەن كونتەرى، تالعامسىز جاندار ەدىك؟
بۇلاردى قولپاشتاتىپ قويعان قانداي «مىقتىلار» بولدى ەكەن؟
سوڭعى كەزدە تەلەحابارلاردى نەگىزىنەن ايەل ادامدار عانا كوپتەپ جۇرگىزەتىن بولعانى دا، وتىرىك پە؟
سوندا تەلەجۋرناليست قازاق جىگىتتەرى قايدا كەتكەن؟
قورىتا ايتقاندا، ءبىزدىڭ قازاقتا ويىن-ساۋىقتان باسقا ەرمەك قالماعان با ءوزى؟..
جۇماش كوكبورى
