كحدر سۇڭگۋىر قايىقتاردى جانە ءجۇز مىڭداعان ارتيللەريا مەن اسكەرلەرىن سىناقتان وتكىزۋ ارقىلى وزدەرىنىڭ قارۋلى كۇشتەرىنىڭ شاماسىن كورسەتكىسى كەلەدى دەپ حابارلايدى بۇرىنعى اقش اسكەرىنىڭ Financial Times-قا بەرگەن ساراپتاماسىندا.

قازىرگى تاڭدا كورەي قارۋلى كۇشتەرى الەمدەگى ءىرى قارۋلى كۇشتەر قاتارىندا جانە اسكەر سانى 1ميليوننان اسادى. دەگەنمەن، كوپتەگەن زەرتتەۋلەر ناتيجەسىندە، كحدر-نىڭ اسكەري سالاسىندا اقش پەن ونىڭ وداقتاستارىنا قارسى تۇرۋعا كوپتەگەن ماسەلەلەر تۋىنداپ، مۇمكىندىك بەرمەي جاتادى. مىسالى: جانار-جاعارماي جەتىسپەۋشىلىگى نەمەسە ەسكى تەحنيكالار.

ەگەردە كورەي حالىق ارمياسى سوعىسا قالسا، وتىز كۇن ىشىندە ولاردىڭ سۇيىق وتىن ءتۇرى مەن وق-دارىلەرى سارقىلعان بولار ەدى. « مەن كورگەن اسكەري جابدىقتاردى الار بولساق، ءتىپتى 2 اپتاعا جەتپەسى انىق»، -دەيدى ساراپتاۋشى باسىلىمعا.

پحەنياننىڭ حابارلاۋىنشا وزدەرىندە 8600 ارتيللەريالىق بولىمشە، 5500 وق تۇمسىقتار جۇيەسى جانە 4300 تانك بار. دەگەنمەن، وڭتۇتىك كورەيا قارۋلى كۇشتەرىنىڭ اقپارىنشا، ولاردىڭ اسكەري تەحنيكاسىنىڭ نەگىزگى بولىگى كسرو مەن قىتايدا «قىرعي-قاباق» سوعىسى كەزىندە شىعارىلعان. سولتۇستىك كورەيا كوشباسشىسى كيم چەن ىن ءوز ارمياسىنىڭ بارلىق وسال تۇستارىمەن تانىس بولعاندىقتان، اقش-پەن قارىم-قاتىناستا تەجەۋ ستراتەگياسىن پايدالانۋدا.