العاشقى نەكە تۇنىندەگى قارىم-قاتىناستان قىزداردىڭ قورقۋى قالىپتى قۇبىلىس دەپ جازادى قامشى اقپاراتتىق اگەنتتىگى. كەيبىر قوعامداردا قىزدىڭ نەكەگە دەيىن پاك بولۋىن اسا ماڭىزدى ساناپ، قاداعالاپ وتىرادى. سونداي قوعامداردىڭ قاتارىندا ارابتار دا بار. اراب قىزدارى تۇرمىس قۇرعاننان كەيىن قورقىنىشتى ءالى كۇنگە دەيىن سەزىنىپ ءجۇر. ايتا كەتەتىن بولساق، ارابتاردا نەكە تۇنىنەن كەيىن قىز پاك بولعانىن تەكسەرۋ ءۇشىن جىگىتتىڭ جەڭگەسى نەمەسە اناسى بولمەگە كەلىپ، توسەك تىستارىن قارايدى. وسى جاعداي دا اراب قىزدارىنىڭ قورقىنىشىنا سەبەپ بولاتىن شىعار.
العاشقى نەكە تۇنىندەگى جىنىستىق قارىم-قاتىناستان قورقاتىن قىزدارعا اتاقتى ەگيپەتتىك مامان حەبە كوتب ءوز كەڭەسىن جەكە سايتى ارقىلى ايتىپ، كومەگىن تيگىزۋدە.
«مەن جاقىندا تۇرمىسقا شىعامىن. ءبىراق ماعان العاشقى نەكە تۇنىندەگى جىنىستىق قارىم-قاتىناس وتە ءقاۋىپتى بولىپ كورىنەدى. مەن جىنىستىق قارىم-قاتىناس كەزىندەگى اۋىرسىنۋدان قورقامىن. مەن ءوزىمدى جانە كۇيەۋىمدى قاناعاتتاندىرۋ ءۇشىن نە ىستەۋىم كەرەك؟»،- دەپ جازادى سايت قولدانۋشىسى.
«ەڭ باستىسى جىنىستىق قارىم-قاتىناس ادامعا ءقاۋىپتى جانە قاتتى اۋىرسىنۋ تۋدىرادى دەگەن قاعيدانى قۇپتامايمىن. سەن بۇل قاتىناس وزگەشە رومانتيكالىق كۇيدە وتەتىندىگىن ءتۇسىنۋىڭ كەرەك. بۇل ايسبەرگتىڭ شىڭى سەكىلدى بۇل قارىم-قاتىناس كەزىندە قينالۋدى دا، سۇيىسپەنشىلىكتى دە، ىنتىقتىق پەن ماحابباتتى دا سەزىنە الاسىڭ. اتالعان قارىم-قاتىناس ايەلدىڭ اعزاسىنا ءتۇرلى وزگەرىستەر اكەلەتىنى بەلگىلى. ءبىراق بۇل ايەل اعزاسىنا كەرى اسەرىن تيگىزەدى دەگەندى بىلدىرمەيدى»،- دەپ ءتۇسىندىردى سەكسولوگ دارىگەر حەبە كوتب.
ال ەر ادامدى قاناعاتتاندىرۋ ءۇشىن حەبە كوتب ەكى ءتۇرلى ءادىستى ۇسىنادى. ونىڭ العاشقىسىن رۋحاني جاعىنان، كەلەسىسىن عىلىمي جاعىنان تۇسىندىرۋگە بولادى ەكەن. رۋحاني ءادىستىڭ باستى بەلگىسى نەكەدەن كەيىنگى قارىم-قاتىناس كەزىندە، ومىردە سۇننەت بولعان امالداردى ورىنداۋ. ال عىلىمي ادىسكە نەكە تۇنىندە عىلىمي دالەلدەنگەن ءتۇرلى تاسىلدەردى قولدانۋ جاتادى.
«ەڭ باستىسى نەكە تۇنىندەگى اتالعان بۇل قاتىناس وتە ءقاۋىپتى جانە ءتۇرلى اۋىرسىنۋدى سەزىنەسىڭ دەگەن قاعيدانى جويۋ كەرەك»،- دەپ تۇيىندەيدى حابە كوتب.
