جۇڭگو حالىق رەسپۋليكاسى حالىق ۇكىمەتىنە،

جۇڭگو حالىق رەسپۋبليكاسى سىرتقى ىستەر  مينستىرلىگىنە،

جۇڭگو حالىق رەسپۋبليكاسىنىڭ قازاقستانداعى باس ەلشىلىگىنە

 

اشىق حات

جۇڭگو حالىق رەسپۋبليكاسىنىڭ ينتەرنەت اقپارات قۇرالدارىنىڭ ىشىندەگى ىقپالدى، تارالىمى كەڭ ەلەكتروندى اقپارات قۇرالدارىنىڭ ءبىرى بولىپ سانالاتىن شينلاڭ (sina.com.cn) سايتىندا قازاق حالقىنىڭ  ءسالت-داستۇرىن بۇرمالاۋ، قورلاۋ، جانە مازاق ەتۋ ماقساتىمەن جازىلعان ماقالا  جارىق كوردى. «ەستەلىك» رەتىندە جازىلعان ماقالانىڭ اۆتورى  حۇڭ باۋ: «قازاق قوناقشىل حالىق، قوناعىن كۇتكەنى سونداي قوناعىنا قوي سويىپ، ەت بەرىپ كۇتۋمەن قويماي، قوينىنا ۇزاتىلماعان ۇلكەن قىزىن سالىپ بەرەدى!» دەپ، قازاقتىڭ سالت-داستۇرىندە جوق، قازاق حالقىنىڭ ۇلتتىق ار-نامىسىنا تيەتىن جالعان وقيعانى ءوز باسىنان وتكەن شىندىق رەتىندە جاريالادى. حۇڭ باۋ مىرزانىڭ قازاق حالقىن ماسقارالاۋعا ارنالعان وسى وتىرىگى جۇڭگو ەلىندە تۇراتىن قازاقتاردا عانا ەمەس، سان عاسىر كورشى وتىرعان قازاق ەلىنىڭ ازاماتتارىنىڭ، بىزدەردىڭ دە اشۋ-ىزامىزدى تۋعىزدى. وكىنىشكە وراي، بۇل شىعارما قحر سايتتارىندا قازاقتى قورلاۋ باعىتىنداعى جازىلعان ءبىرىنشى ماقالا ەمەس ەكەنىن ەستەرىڭىزگە سالامىز. 1986 جىلى حۇڭ باۋدىڭ «الىستاعى اق وتاۋ» دەگەن كىتابىندا «اتاسى العاش تۇسكەن كەلىنىن ءبىرىنشى استىنا باسادى، سوندىقتان تۇڭعىش نەمەرەسىن ءوز بالاسى ەتىپ، باۋرىنا الادى» دەگەن ەشقانداي شىندىققا جاناسپايتىن، ۇلتىمىزدىڭ ۇلتتىق نامىسىن قورلايتىن شىعارماسى اقپارات قۇرالدارىندا جاريالانعان بولاتىن. ال وسىدان ءبىر جىل بۇرىن ۋاڭ ليدى دەگەن  قحر ازاماتى دا وسىعان ۇقساس جالعان مالىمەت تاراتقان ەدى. ءبىراق بۇلاردىڭ بارلىعى جۇڭگو ۇكىمەتى تاراپىنان ەشقانداي جاۋاپكەرشىلىككە تارتىلمادى. وسىنداي  ويدان شىعارىلعان، ۇلتتىڭ عاسىرلار بويى قالىپتاسقان ءسالت-داستۇرىن بۇرمالاپ، مازاقتاپ، ماسقارالاپ بەرەتىن «ەستەلىكتەر» تەك قازاق حالقىن عانا ەمەس، الەمدەگى بارلىق تۇركى، مۇسىلمان حالىقتارىنىڭ دا نامىسىنا ءتيىپ، اشۋ ىزاسىن  قوزعايتىن اسا كۇردەلى ۇلتارالىق ماسەلە.  بۇل «ەستەلىكتىڭ» جۇڭگو اقپارات قۇرالدارىندا اشىق جاريالانۋى «بەيبىت قاتار تۇرۋ مەن ۇلتتار تەڭدىگىن دارىپتەۋ» ساياساتىن ۇستانعان قحر ۇكىمەتى مەن جۇڭگو حالقىنا ابىروي اكەلمەيتىنى جانە ەكى ەلدىڭ اراسىنداعى دوستىق قارىم-قاتىناستىڭ دامۋىنا كەدەرگى كەلتىرەتىنى دە انىق. بىزدەر، قازاقستاندىق قوعامدىق ۇيىمدار وكىلدەرى مەن جەكە ازاماتتار، جۇڭگو حالىق رەسپۋبليكاسىنىڭ قازاقستانداعى باس ەلشىسىنە وسى اشىق حاتتى تاپسىرا وتىرىپ، قحر حالىق ۇكىمەتىنە تومەندەگىدەي  ۇسىنىس ايتامىز: 1. جۇڭگو مەنشىگى بولىپ سانالاتىن جانە جۇڭگو حالىق ۇكىمەتىنىڭ باقىلاۋىندا بولعان sina.com.cn سايتىنا باقىلاۋ جاساي وتىرىپ، وزگە ۇلتتىڭ ۇلتتىق ار-نامىسىن قورلايتىن، قازاق حالقىنىڭ ابىرويىنا داق تۇسىرەتىن تەرىس اقپاراتتى ءتورت جىل بويى سايتقا قويۋعا جول بەرگەن جاۋاپتى قىزمەتكەرلەردى قاتاڭ جازالاۋىن سۇرايمىز؛ 2. قحر اقپارات قۇرالى بولىپ سانالاتىن  «شينلاڭ» سايتى  وزگە ۇلتتاردىڭ ار-نامىسىن قورلايتىن جالعان اقپاراتتى ەش تەكسەرمەي، جاۋاپكەرسىزدىكپەن سايتقا سالعانى ءۇشىن جانە وسى جالعان اقپاراتتى ءتورت جىل بويى قويعانى ءۇشىن «شينلاڭ» سايتى جانە سايت جاۋاپتىسىن جازالاۋدى دۇرىس دەپ ەسەپتەيمىز؛ 3. قحر-داعى از ۇلتتار تۋرالى قيسىنسىز ءارى نامىسىن قورلايتىن ارسىز پىكىر تاراتقان، شىندىققا جاناسپايتىن شىعارما جاريالاعان  حۇڭ باۋ مىرزا جۇڭگو حالقى مەن قازاق حالقىنىڭ اراسىنا  وت تاستاپ، ەكى ەلدىڭ كورشىلىك تاتۋ قاتىناسىنا قاساقانا ارانداتۋ ارەكەتىن جاساعانى ءۇشىن قحر قىلمىستىق ىستەر زاڭىنىڭ 250-تارماعىندا كورسەتىلگەن «از ساندى ۇلتتاردى كەمسىتكەن جانە قورلاعان شىعارمالاردى باسپادان شىعارۋ قىلمىسى ءۇشىن» قاتاڭ جازاعا تارتىلۋى ءتيىس ەكەندىگىن ەسكە سالامىز؛ وسى ۇسىنىس تالاپتارىمىز ورىندالماعان جاعدايدا قازاقستانداعى ۇلتتىق ۇيىمدار مەن قوعامدىق  قوزعالىستارى، بارلىق نامىسى قورلانعان قازاق جاستارى حالىقارالىق قۇقىق قورعاۋ ۇيىمدارىنا شاعىمدانامىز، استانا قالاسىنداعى قحر ەلشىلىگى الدىندا نارازىلىق شاراسىن وتكىزەمىز.   بولات ابيلوۆ ( سوپرەدسەداتەل وسدپ) رىسبەك سارسەنباي ۇلى  (رەداكتور گازەتى «جاس الاش») مەلس ەلەۋسىزوۆ  (پرەدسەداتەل ەكو-پارتيي «تابيگات») مارجان اسپاندياروۆا ( پراۆوزاششيتنيك) نۇرلان باكيرلانوۆ  (چلەن پارتيي «ازات»)   دوس كوشيم (وبششەستۆەننىي دەياتەل، پرەدسەداتەل وو «ۋلت تاگدىرى» ) تۋراربەك كۋساينوۆ (رۋكوۆوديتەل اپپاراتا رەسپۋبليكانسكوگو دۆيجەنيە «ۋلى دالا» داۋرەن بابامۋراتوۆ، رۋكوۆوديتەل رەسپۋبليكانسكوگو وبششەستۆەننوگو وبەدينەنيا «بولاشاك» مۋحتار شاحانوۆ (پرەدسەداتەل وبششەستۆەننوگو دۆيجەنيە «مەملەكتتىك ءتىل» اسەم المۋحانبەت اسىلقان ءابدىرايىم ۇلى ايبول ايناقۇلوۆ (جۋرناليست) باقىتگۇل ءماتىنباي (گازەتا «دات») سەرعازى يزىربەك گۇلميرا گريبولدينوۆا (گازەتا «دات») مەرۋەرت تۋرلىبەكوۆا (گازەتا «جاس الاش») مولداعالي ءماتقان (پيساتەل، اكادەميك) ءنۇسىپوۆ مۇرات اگەلەۋوۆ گالىم (وف «ليبەرتي») دۇيسەنبين  بولات (وبششەستۆەننىي دەياتەل) نارىمبايەۆ ەرمەك مۋحتار تايجان (وبششەستۆەننىي دەياتەل) مۋساگالي دۋامبەكوۆ (وف ناسيونالنىي انتيكوررۋپسيوننىي كوميتەت) قۇلكەرىم ەلەمەس (پوەت،وبششەستۆەننىي دەياتەل) سەرىك مۇراتحان اسەل نازارالى (پوەت) قاجىمۇقان عابدوللا، (پرەدسەداتەل وو «باتىس الاش») اسەت احمەديا (فيزيكا PHD  دوكتور) دۋبەك قازىكەن (بيوتەحنولوگيا PHD  دوكتور) قادىلبەك توقان  (گلاۆنىي ۆراچ) ەرجان سۇلتانوۆ    (گلاۆنىي ينجەنەر) ەرعازى اكىمبايەۆ ماكپال كوجاكانوۆ (جۋرناليست) ەرمەك تىلەگەن  (جۋرناليست) ايازگۋل تەميروۆا ( پرەپودوۆاتەل) سەتەرحان قادەن (ينجەنەر) قۋانىش مۇقتاي (پوەت) ناعاشىباي ەسمۋرزايەۆ (پەريەۆودچيك) ەركىن كارين، جۋرناليست. ايبولات بوكەنوۆ، جۋرناليست. قىمبات جولدىعۇل قىزى، جۋرناليست. ىزگىلىك ناعييەۆ ،جۋرناليست جاندوس قۇسايىنوۆ، جۋرناليست كۇنسۇلتان وتارباي، وتۆەتسەكرەتار رەسپۋبليكانسكوگو گازەتا «Sport» نۇرسۇلۋ اققۇلوۆا مىرزابەك جانات سەرسەن قىزاي، فوتوكورروسپوندەنت«الماتى اقشامى» زايرا ءسابيتوۆا يبراھيم بايتورە ءقادىرالى باقىتجان