ونىڭ ايتۋىنشا، نەكەسىن قيعاندار مەن اجىراسۋشىلار قاتارى كوبەيىپ كەلەدى. ماسەلەن، جىل باسىنان بەرگى سەگىز ايدا 105،9 جۇپ نەكە قيۋعا ءوتىنىش بەرسە، 32،3 مىڭ ءوتىنىش اجىراسۋعا قاتىستى تىركەل­گەن. اجىراسۋ 8،8 پايىزعا ارتىپ كەتكەن. ستاتيستيكا اگەنتتىگى ءتوراعاسى ايت­قان دەرەككە سۇيەنسەك، شەتەلدەن بولسىن، ەل ىشىندەگى بولسىن كوشى-قون سايابىرسىپ تۇر. سانداردى سويلەتسەك، ايتىلعان مەرزىمدە قازاقستانعا كەلۋشىلەر 3348 ادامعا، ياعني 14،2 پايىزعا ازايعان. قازاقستان­نان كەتكەندەر 1221 ادامعا نەمەسە 6،0 پايىزعا تومەندەگەن. «ەلىمىزدەگى نەگىزگى كوشى-قون الماسۋى تمد مەملەكەتتەرىمەن بولۋدا. تمد ەلدەرىنەن كەلگەندەردىڭ جانە سول ەلدەرگە كەتكەندەردىڭ ۇلەسى، تيىسىنشە، 17053 جانە 18343 ادامدى قۇرادى. ەل ىشىندە قونىس اۋداراتىن كوشىپ-قونۋشىلار سانى دا 1،0 پايىزعا ازايىپ، 228325 ادامدى قۇرادى»، - دەدى اگەنتتىك باسشىسى. قىسقا مەرزىمدى ەكونوميكالىق ين­ديكاتور بيىلعى توعىز ايدا 102،7 پايىز­دى قۇراپتى. ال نەگىزگى كاپيتالعا سالىنعان ينۆەستيسيا 3536،4 ملرد تەڭگەگە تابان تىرەپ، 3،3 پايىزدىق ءوسىم كورسەتتى. بيىلعى قۋاڭشىلىق اۋىل شارۋا­شىلىعى ءونىمىنىڭ كولەمىن وتكەن جىلعى­مەن سالىستىرعاندا، 8،4 پايىزعا دەيىن ازايتىپ جىبەردى. «بۇگىنگى دەرەك بويىنشا رەسپۋبليكا كولەمىندە 14 ملن 497 مىڭ توننا بيداي جينالدى، ونىمدىلىگى گەكتارىنا 9،6 سەنتنەردەن بولدى. بىلتىرعىدان ءتو­مەن. بىلتىر 15 قازاندا 26 ملن 118 مىڭ توننا جينالعان بولاتىن. ال جىل سوڭىنا دەيىن 27 ملن توننا استىق باستىرىپ ەدىك»، - دەدى ءا.سمايىلوۆ. ونىڭ ايتۋىنشا، جۇك اينالىمى 11،3، بولشەك ساۋدا كولەمى 12،8، كوتەرمە ساۋدا كولەمى 15، تاماق ونىمدەرى مەن سۋسىنداردى ۇسىنۋ قىزمەتتەرى كولەمى 12،5 پايىزعا ءوستى. ال قاڭتار-تامىزدا سىرتقى ساۋدا اينالىمى 89984،3 ملن اقش دوللارىن قۇراپ، وتكەن جىلدىڭ سايكەس كەزەڭىمەن سالىستىرعاندا، 13،5 پايىزعا ارتتى. ونىڭ ىشىندە ەكسپورت 9،3، يمپورت 24،1 پايىزعا ارتتى. ال كەدەن وداعى ەلدەرىنىڭ تاۋار اينالىمىندا ەكسپورتتا تومەندەۋ بار. «قاڭتار-تامىز ايلارىندا كەدەن ودا­عى ەلدەرىنىڭ ءوزارا ساۋدا اينالىمى 15 ملرد 522 ملن اقش دوللارىن قۇرادى. بۇل ءوت­كەن جىلدىڭ سايكەس كەزەڭىمەن سالىستىر­عاندا 0،3 پايىزعا تومەن. ەكسپورت 4 ملرد 546 ملن دوللاردى قۇراپ، 12 پايىزعا تومەندەدى. يمپورت 10 ملرد 975 ملن دوللارعا تۇراق­تاپ، 5،2 پايىزعا ءوستى. ەكسپورتتىڭ ءتو­مەندەۋىنە مەتاللۋرگيا تاۋارلارىنا سىرتقى نارىقتان سۇرانىستىڭ تومەندەۋى­نە سەبەپ بولدى»، - دەدى ءبىزدىڭ ساۋالىمىز­عا جاۋاپ بەرگەن اگەنتتىك ءتوراعاسى. وتكەن قىركۇيەكتە ازىق-تۇلىك تاۋار­لارىنىڭ باعاسى 3،2، ازىق-تۇلىك ەمەس تاۋارلار - 2،2 پايىزعا قىمباتتاعانىن دا ءا.سمايىلوۆ ايتىپ وتىر. ال حالىقتىڭ ورتاشا جان باسىنا شاققانداعى اتاۋ­لى اقشالاي تابىستارى تامىز ايىندا 51890 تەڭگەنى قۇرادى. تاعى دا سول تامىز­داعى ەسەپكە جۇگىنسەك، قىزمەتكەرلەرگە ەسەپتەلگەن ورتاشا ايلىق اتاۋلى جالا­قى 104546 تەڭگەنى قۇراعان. جالاقى ءوسىپ جاتقانىمەن، ەلىمىزدە جۇمىسسىزدىق جويىلار ەمەس. ماسەلەن، قىركۇيەكتەگى جۇمىسسىزدار سانىن باعالاۋ 475،3 مىڭ ادامنىڭ ەكى قولعا ءبىر كۇرەك تابا الماي وتىرعانىن انىقتادى. اگەنتتىك بەرگەن دەرەككە سۇيەنسەك، اۆتوكولىك مىنۋشىلەر كوبەيىپ بارادى. جىل باسىنان تامىز ايىنا دەيىن 38 312 جەڭىل اۆتوموبيل تىركەلىپتى. بۇل وتكەن جىلعىدان 4،2 پايىزعا جوعارى ەكەن. وسى­لايشا ەلىمىزدەگى جەڭىل اۆتوكولىكتەردىڭ سانى 3 ملن 646،5 مىڭعا جەتتى. ەڭ كوپ كولىك تىركەلگەن الماتى قالاسى - 5661 اۆتوكولىك تىركەلسە، ودان كەيىن وڭتۇستىك قازاقستان وبلىسى تۇر. سودان كەيىن الماتى وبلىسىنىڭ حالقى كولىك مىنگەن­ءدى جاقسى كورەدى. ال قىركۇيەك ايىندا 15 026 تۇرعىن ءۇي ساتىلىپتى. ەڭ كوپ ءۇي الماتى مەن استانا قالالارىنىڭ بىرىندە ساتىلعان بولار دەسەڭىز، قاتەلەسەسىز. سەبەبى تۇرعىن ءۇي ساتىپ الۋ-ساتۋ مامىلەسىن كوپ جاساعان ايماق قاراعاندى وبلىسى بولىپ شىقتى. ءبول وڭىردە قىركۇيەك ايىندا 1812 ساتىپ الۋ-ساتۋ مامىلەسى جاسالعان، ودان كەيىنگى ورىندا شىعىس قازاقستان وبلىسى، الماتى قالاسى تۇر. حاليما بۇقار قىزى