«الاتاۋ» الەۋمەتتىك قىزمەت كورسەتۋ ورتالىعىندا قازاق حالقىنىڭ «قوزى كورپەش – بايان سۇلۋ» اڭىزى كەيىپكەرلەرىنىڭ ماحابباتىنا ارنالعان «سەزىمدەر ايتىسى» اتتى ساتيرالىق تەاترلاندىرىلعان قويىلىم ءوتتى.
قويىلىمدى مۋزىكالىق جەتەكشى ەركەبۇلان بايجۇما دايىنداپ، ساحنالادى. ونىڭ نەگىزىندە قازاقتىڭ ايتىس ءداستۇرى مەن تەاتر ونەرىنىڭ ەلەمەنتتەرىن ۇيلەستىرگەن اۆتورلىق سەناريي جاتىر.
سيۋجەت قىزدار مەن جىگىتتەر اراسىنداعى ءازىل-سىقاق ايتىس تۇرىندە ءوربيدى. باس كەيىپكەرلەر ساحناعا دومبىرامەن شىعىپ، تاپقىر ءسوز، ۇتىمدى ءازىل جانە ىزگى تىلەكتەر ارقىلى ونەر كورسەتەدى.
قويىلىمدا ۇلتتىق ءسالت-داستۇر، سونىڭ ىشىندە داستارحان باسىنداعى شاي ءىشۋ كورىنىسى دە كوركەم بەينەلەنەدى. قورىتىندى بولىمدە قوزى كورپەش پەن بايان سۇلۋ اراسىنداعى ءمولدىر ماحاببات حيكاياسى كورىنىس تاۋىپ، ماحاببات تۋرالى انمەن تۇيىندەلەدى.
كونسەرتتىك باعدارلاماعا ورتالىقتىڭ الەۋمەتتىك قىزمەت الۋشىسى قاتىستى. ءىس-شارا فورماتى كورەرمەندەرمەن تىكەلەي بايلانىس ورناتۋعا باعىتتالعان.
ورتالىقتىڭ نەگىزگى ماقساتى – مۇمكىندىگى شەكتەۋلى ادامداردى وڭالتۋ جانە قوعامعا بەيىمدەۋ، ولاردىڭ قارىم-قاتىناس جاساۋ داعدىسىن دامىتۋ، شىعارماشىلىق الەۋەتىن اشۋ جانە مادەني ومىرگە تارتۋ. ءان ايتۋ، بي بيلەۋ، كوركەم ءسوز وقۋ جانە تەاتر ونەرى سياقتى شىعارماشىلىق باعىتتار تۇلعانىڭ بەيىمدەلۋى مەن ءوزىن-وزى جۇزەگە اسىرۋىنىڭ ماڭىزدى تەتىگى.
ءىس-شارانىڭ ماقساتى — قاتىسۋشىلاردىڭ شىعارماشىلىق جەتىستىكتەرىن پاش ەتۋ، ەستەتيكالىق تاربيە بەرۋ جانە ارتيستەر مەن كورەرمەن اراسىندا ەموسيالىق بايلانىس ورناتۋ.
