ق ر ينۆەستيسيالار جانە دامۋ ءمينيسترىنىڭ ورىنباسارى البەرت راۋدىڭ مالىمدەۋىنشە، كەلەسى جىلدان باستاپ وتاندىق كولىك ونەركاسىبىندە تەمىر تۇلپاردىڭ جاڭا مودەلى پايدا بولماق. بۇل تۋرالى Baq.kz جازدى.
ۆيسە-مينيستردىڭ سوزىنشە بۇل مودەل الەمدىك كولىك وندىرۋشىلەرىنىڭ بىرىمەن بىرلەسىپ شىعارىلادى. بۇل تۋرالى كەلىسىمگە 9-10 قازاندا استانادا وتەتىن II كولىك جاساۋشىلار فورۋمىندا قول قويىلادى. باسقوسۋعا وتاندىق جانە شەتەلدىك 17 ەلدەن كەلگەن 700 مامان قاتىسپاق. وندا كولىك قۇراستىرۋ سالاسىنداعى ەڭ وزەكتى ماسەلەلەر تالقىلانادى. ولاردىڭ ىشىندە ەلىمىزدىڭ كاسىپورىندارىنا ينۆەستيسيا قۇيۋ، كولىك ەكسپورتى سىندى تۇيتكىلدى ماسەلەلەر قوزعالادى. بيىل قازاقستاندا شىعارىلعان كولىك كولەمى 1 تريلليون تەڭگەنى قۇراعان.
قامشى-اقپارات
پىكىر قالدىرۋ