مۇنى قالجىڭ دەپ ويلاماڭىز! ءبىز ءومىر ءسۇرىپ جاتقان الەمدە ولۋگە زاڭ بويىنشا تىيىم سالىنعان ايماقتار دا بار ەكەن. جانە ءار ايماقتىڭ نەلىكتەن ولۋگە بولمايتىنى جايلى ءوز سەبەپتەرى دە بار دەپ حابارلايدى قامشى اقپاراتتىق اگەنتتىگى.

1. سارپۋرەنكس، فرانسيا  

بۇل ايماقتا ولۋگە بولمايتىن تۋرالى زاڭدى سارپۋرەنكس مەرى جەرار لالاننانىڭ ءوزى بەكىتكەن.  سەبەبى، سوت زيرات ايماعىن ۇلكەيتۋگە تىيىم سالعان.

2. فالسيانو دەل ماسسيكو، يتاليا

بۇل ايماقتىڭ تاريحى ءسال وزگەشە. بۇل جەردە ولۋگە رۇقسات بەرىلۋى مۇمكىن، الايدا بۇل رۇقساتتى الۋ ءۇشىن الدىن الا ءوز زيراتىڭىزدى دايىنداپ، زاڭ بويىنشا راسىمدەۋ ءتيىسسىز. تاعى ءبىر تاڭقالارلىق جايت فالسيانو دەل ماسسيكو مەرى ءولۋ ءۇشىن وسى ايماقتان قونىس اۋدارۋعا  دا تىيىم سالعان.

3. يتسۋكۋشيما، جاپونيا

جاپونيادا يتسۋكۋشيما ارالى قاسيەتتى، تازا جەر بولىپ ەسەپتەلەدى. بۇل ايماقتا جان تاپسىرۋ كيەلى تازالىقتى بۇزۋ بولىپ ەسەپتەلەدى. الايدا، تاريح وسى ايماقتا 1555 جىلى ميادزيما قاندى شايقاسى بولعانىن راستايدى. دەگەنمەن، قاندى شايقاستان كەيىن قان تيگەن ءاربىر توپىراق باسقا ايماققا اۋىستىرىلعان. وسىدان كەيىن دە، ەشقانداي جاعدايدا بۇل ايماقتا قازا بولۋعا جول جوق.

4. لونيير، نورۆەگيا

بۇل جەردە جان تاپسىرۋعا بولمايتىنىنا نەگىزدى سەبەپ بار. ايماقتىڭ وتە سۋىق بولۋىنا بايلانىستى، بۇل جەردە ءمايىت بۇزىلماي، ەش وزگەرىسسىز ساقتالادى. لونييدە 1917 جىلى قايتىس بولعان مايىتتەن تۇماۋ ۆيرۋسى تاراعان. جەرگىلىكتى حالىقتى قاتتى اۋرۋعا شالدىقسا، نەمەسە ءدام-تۇزى بىتۋگە جاقىنداسا، نورۆەگيانىڭ باسقا بولىگىنە الىپ كەتەدى. وسىعان بايلانىستى، بەلگىلى ءبىر زامان اۋرۋلارى بولاشاقتا تارالادى دەگەن قاۋىپپەن سوڭعى 70 جىل بويى بۇل جەردە جان تاپسىرۋعا ەشكىمنىڭ قۇقى جوق.

ماتەريالداردى جيناعان: الينا بولاتبەك