ارحەولوگتار العاش رەت قىتايدان بۇزىلماعان عۇنداردىڭ  مولاسىن تاۋىپ الدى دەپ حابارلايدى قامشى  اقپاراتتىق اگەنتتىگى mk.ru-عا  سىلتەمە جاساي وتىرىپ. 

حەنان پروۆينسياسىنىڭ ورتالىق ايماعىن زەرتتەگەن ارحەولوگتار 18 جەرلەۋ ورنىن تاپتى.  بۇل جەرلەۋ ورنىنداعى مايىتتەر شامامەن 1800 جاستا ەكەندىگى بەلگىلى بولدى.  زەرتتەۋشىلەردىڭ بولجامىنا سايكەس، بۇل مولالار وسىدان 2000 جىل بۇرىن  جۇڭگو جەرىندە كوشىپ-قونىپ جۇرگەن عۇن تايپاسىنا تيەسىلى بولۋى مۇمكىن.   

زەرتتەۋشىلەر  تابىلعان مولالارعا وسى ۋاقىتقا دەيىن ەشكىم تيىسپەگەندىگىن ايتادى. بۇل جەرلەۋ ورىندارىنان عۇندارعا بايلانىستى  كوپتەگەن تاريحي دەرەكتەر تابىلعان. بۇل دەرەكتەر ارقىلى عۇندار جايلى ءبىراز مالىمەت بىلۋگە بولادى. تاماق پىسىرەر كەزدە وتقا قويعان، ەكى جاعىندا تەسىگى بار قولا قازاندىقتار تابىلدى.  تابىلعان زاتتاردى كوشپەلى تايپالار عانا قولداناتىندىقتان، زەرتتەۋشىلەر بۇل ەجەلگى عۇن تايپاسىنىڭ جەرلەۋ ورنى دەپ جوبالاپ وتىر. سونىمەن بىرگە مولالاردان قانجار، سىرعالار مەن مونشاقتار تاعى باسقا وسىعان ۇقساس تۇرمىستىق بۇيىمدار تابىلعان.

ايتا كەتەتىن تاعى ءبىر جايت، مولالار ءىشى كىرپىشتەن جاسالعاندىقتان، ولاردى ۇلى جۇڭگو جازىعىنداعى كلاسسيكالىق مولالاردىڭ قاتارىنا ورنالاستىرا الماعان. ولار  ب.ز.د. 25 جىلدان باستاپ 200 جىل بويى ءومىر سۇرگەن دەپ بولجاپ وتىر زەرتتەۋشىلەر.  عۇندار جۇڭگو جەرىن مەكەندەگەن كەزدە، ولار وزگەلەرگە قاراعاندا وركەنيەت جاعىنان ەرەكشەلەنىپ  تۇرعاندىعىن دا جاسىرمادى.

قىتايدىڭ وڭتۇستىك-شىعىسىندا ورنالاسقان سىچۋان پروۆينسياسىنان 10 000-عا جۋىق التىننان، كۇمىستەن جانە وزگە ماتەريالداردان جاسالعان زاتتار تابىلدى. بۇل زاتتار مين ديناستياسىنا تيەسىلى بولۋى مۇمكىن. 

اۋدارعان: اسەل وتەشوۆا