الماتى قالاسى المالى اۋداندىق سوتى «الماتىلىق اتقىش» رۋسلان كۇلەكبايەۆتىڭ اۋداندىق ىشكى ىستەر بولىمىنە جاساعان شابۋىلى كەزىندە سالعىرتتىق پەن ارەكەتسىزدىك تانىتقانى ءۇشىن ايىپتالىپ وتىرعان ءۇش بۇرىنعى پوليسەيگە قاتىستى قىلمىستىق ءىستى تىڭداۋعا كىرىستى.
بۇل تۋرالى قامشى اقپاراتتىق اگەنتتىگى حابارلايدى Sputnik قازاقستان اگەنتتىگىنىڭ مالىمەتىنە سۇيەنىپ.
الماتى قالاسى المالى اۋداندىق ىشكى ىستەر ءبولىمىنىڭ باسشىسى اسقار بولاتوۆ پەن ونىڭ قول استىنداعى ەكى قىزمەتكەرى قايرات امانجولوۆ پەن سىرىم بايمەڭدييەۆ 2016 جىلعى 18 شىلدەدە بولعان الماتىداعى تەراكتىگە قاتىستى اتىشۋلى قىلمىستىق ءىستىڭ فيگۋرانتتارى اتاندى.
«الماتىلىق اتقىش» كۇلەكبايەۆ ءولىم جازاسىنا كەسىلدى. سوتتىڭ باسپا ءسوز قىزمەتى Sputnik قازاقستان ساۋالىنا بەرگەن جاۋابىندا حابارلاعانداي، اسقار بولاتوۆ، قايرات امانجولوۆ پەن سىرىم بايمەڭدييەۆ قىزمەتى كەزىندە ارەكەتسىزدىك پەن سالعىرتتىق تانىتتى دەگەن ايىپپەن سوت الدىنا كەلدى. ەكى وتىرىستان كەيىن الماتى قالاسى المالى اۋداندىق سوتىنىڭ قاۋلىسىمەن باستى سوت تالقىلاۋىن تاعايىنداۋعا كەدەرگى كەلتىرەتىن قىلمىستىق-پروسەستىك زاڭناماعا قاتىستى كەمشىلىكتەر جويىلۋ ءۇشىن قىلمىستىق ءىس پروكۋرورعا قايتارىلدى. ءۇش ايىپتالۋشىعا قاتىستى بۇلتارپاۋ شاراسى بۇرىنعىداي قالا بەرەدى: بولاتوۆ كەپىلمەن قاماۋدان بوساتىلعان، امانجولوۆ پەن بايمەڭدييەۆ ەشقايدا شىقپاۋعا قولحات جازىپ بەرگەن.
تەراكت جاسالعان كەزدە بولاتوۆ المالى اۋداندىق ىشكى ىستەر ءبولىمىن باسقارعان بولاتىن، ءبىراق كەيىنىرەك قىزمەتتەن بوساتىلعان ەدى.
