الماتىداعى تۇڭعىش پرەزيدەنت قورىندا ۇلاعاتتى ۇستاز، ۇلى وتان سوعىسىنىڭ ارداگەرى سەيىتحان يسايەۆپەن كەزدەسۋ ءوتتى، دەپ حابارلايدى قامشى اقپاراتتىق اگەنتتىگى حابار ارناسىنا سىلتەمە جاساپ.

 ەلباسى نۇرسۇلتان نازاربايەۆقا ساباق بەرگەن سەيىتحان اتا بيىل 100-گە كەلەدى. عاسىر جاساعان ۇستاز اسكەر قاتارىنا 1941 جىلى الىنىپ، باتىس فرونتتا جاۋعا قارسى سوعىسقان. زايىبى نۇرعايىن اجەي دە قان مايدانعا قاتىسقان. ۋ-2 ۇشاعىندا شتۋرمان بولىپتى. سوعىستان كەيىنگى ءومىرىن مايدانگەر شاكىرت تاربيەلەۋگە ارناعان.

قانشا جاسقا كەلسە دە، ومىردە بەلسەندىلىك تانىتىپ جۇرۋىنە جاستارمەن ءجيى كەزدەسىپ، سىرلاسىپ تۇرۋى اسەر ەتەدى ەكەن.

«ارمانسىز ادام قاناتسىز قۇسپەن تەڭ. بۇل ءسوز بەكەر ايتىلماعان. راسىندا، ارمانسىز ءومىردىڭ ءمانى جوق. مەنىڭ جاسىم 100-گە كەلسە دە، ارمانداۋدان جالىققان ەمەسپىن. جاستارىمىز ءبىلىمدى، ونەرلى، ساياساتكەر، ەلىمىزدىڭ ءداستۇرىن، جەرىن، حالقىن، تاريحىن تانىستىراتىن بەلسەندى كۇرەسكەر بولسا ەكەن دەپ ارماندايمىن»، - دەپ اعىنانا جارىلدى اقساقال.

بەس بالا ءوسىرىپ، نەمەرە-شوبەرەلەرىنىڭ جانىندا مارقايىپ جۇرگەن قاريانى شاكىرتتەرى ەشقاشان ۇمىتقان ەمەس.