ق ر ءبىلىم جانە عىلىم مينيسترلىگى عىلىم كوميتەتىنىڭ سەيسمولوگيالىق تاجىريبە-ادىستەمەلىك ەكستپەديسياسىنىڭ ستانسيالارى 4-5 مامىرداعى ءبىر تاۋلىك ىشىندە الماتىدان 160-794 شاقىرىم قاشىقتىقتا التى جەر سىلكىنىسىن تىركەگەن، دەپ حابارلايدى قامشى اقپاراتتىق اگەنتتىگى.

Sputnik قازاقستاننىڭ مالىمەتىنە سۇيەنسەك، باستاپقى ەكى جەر سىلكىنىسىنىڭ ماگنيتۋداسى 4،4 جانە 4،8، 4 مامىر كۇنى ساعات 12:52-دە جانە 17:00-دە الماتىدان وڭتۇستىك-باتىسقا قاراي 608 جانە 606 شاقىرىم جەردە قىرعىزستان مەن تاجىكستاننىڭ شەكاراسىندا بولعان. كىندىگى 5 كيلومەتر تەرەڭدىكتە بولىپتى. بەيسەنبى كۇنى ساعات 22:16-دا سەيسموگرافتار تاجىكستان مەن اۋعانستان شەكاراسىندا، الماتىدان وڭتۇستىك باتىسقا قاراي 794 كيلومەتر قاشىقتىقتا قۋاتى 5،3 بالل جەر سىلكىنىسىن تىركەگەن. كىندىگى — 100 كيلومەتر تەرەڭدىكتە. جۇما 5 مامىر كۇنى 00:23 جانە 05:39-دا ماگنيتۋداسى 4،5 جانە 4،3 ەكى جەر سىلكىنىسى تاجىكستان مەن قىرعىزستان اۋماعىندا، الماتىدان وڭتۇستىك-باتىسقا قاراي 622 جانە 160 شاقىرىم جەردە بولدى. جەر سىلكىنۋ كىندىگى 5 جانە 15 كيلومەتر تەرەڭدىكتە.

جەر استى دۇمپۋلەرىنىڭ سەزىلۋى تۋرالى اقپارات ازىرگە جوق.