سولتۇستىك كورەيا ەلى جابىق ساياسات ۇستاناتىنى بارشامىزعا ءمالىم. الايدا، سوڭعى جىلدارى ءوز ەلىنەن قاشىپ شىققان ادامداردىڭ سولتۇستىك كورەيا جايىندا ايتىپ جاتقان اڭگىمەلەرى ءبىراز جۇرتتىڭ تاڭدانىسىن تۋدىرعان بولاتىن. قامشى اقپاراتتىق اگەنتتىگى وسى ەل جايىندا تاعى دا بىرنەشە جاعا ۇستاتارلىق دەرەكتەردى نازارلارىڭىزعا ۇسىنادى.

كحدر-دا ءقازىر 2017 جىل ەمەس، 106 جىل بولىپ تابىلادى. مۇنىڭ سەبەبى: بۇل ەلدە جىل ساناۋ يسا پايعامباردىڭ تۋعان جىلىنان باستاپ ەمەس، كيم ير سەننىڭ تۋعان كەزىنەن باستاپ سانالادى.

سولتۇستىك كورەيادا الەمدەگى ەڭ ۇلكەن ستاديون ورنالاسقان. 150 مىڭ ادام سىياتىن بۇل ستاديون 1989 جىلى سالىنعان بولاتىن.

2011 جىلى كيم ير چەننىڭ قازاسىنا بايلانىستى ازا تۇتۋ كۇنى اياقتالعاننان سوڭ «دۇرىس جىلاماعان» ادامداردىڭ ۇستىنەن ءىس قوزعالىپ، سوتتالعان. كىنالى دەپ تابىلعاندار جارتى جىل كولەمىندە ەڭبەك لاگەرىنە جىبەرىلىپ، قارا جۇمىسقا جەگىلگەن.

سولتۇستىك كورەيادا شاش الدىراتىن جەرگە بارىپ ءوز قالاۋىڭىزداي شاش ۇلگىسىن جاساتا المايسىز. ايەلدەر مەن ەر ادامداردىڭ تەك 28 شاش ۇلگىسىنىڭ ءتۇرى عانا رۇقسات ەتىلگەن. سونىمەن قاتار، شاش بوياۋعا مۇلدەم بولمايدى.

ۇكىمەتتىڭ راديوسىن وشىرۋگە قاتاڭ تىيىم سالىنادى، ول بۇكىل جەردە – كوشەدە، ۇيلەردە، دۇكەندەرە ويناپ تۇرۋى قاجەت. سونىمەن قاتار تىيىم سالىنعان راديوحابرلاردى تىڭداعان ادامداردى اڭديتىن ارنايى جاساق بار. ءتارتىپتى بۇزعان جاعدايدا، جازاسى – ءولىم.

جەرگىلىكتى تەلەارنالاردىڭ تەك ءۇش ءتۇرى عانا بار. ونىڭ ەكەۋى تەك دەمالىس كۇندەر مەن مەرەكەلەردە عانا قوسىلادى.

سولتۇستىك كورەيادا اۆتوكولىك تاپشىلىعى بار، 3000-4000 ادامعا 4-5 اۆتوكولىك تەر قوعامدىق كولىكتەر جۇمىس ىستەيدى.

بۇل ەلدە جۇمىس كۇنى اپتاسىنا 6 كۇن، ال ءبىر كۇن ءوز ەركىمەن جۇمىس ىستەۋشىلەرگە ارنالادى، قىسقاسى، بۇل ەلدە جۇمىس ىستەيتىندەر ەكى اپتادا ءبىر رەت قانا دەمالادى ەكەن. ال ايلىق تابىستارى $5-6 اسپايدى.

ءيا، ءبىز بىلەتىن سولتۇستىك كورەيا جايىنداعى دەرەكتەر وسىنداي. ال، ءبىز بىلمەيتىن دەرەكتەر مەن حالقىنىڭ تۇرمىس جاعدايىنداعى قيىنشىلىقتار دا وتە كوپ.

دايىنداعان: نازەركە لابيحان