ق ر ادىلەت ءمينيسترى مارات بەكەتايەۆ قازاق ءتىلىن ءبىر جىلدا ۇيرەنىپ الامىن دەپ ۋادە بەردى دەپ حابارلايدى قامشى اقپاراتتىق اگەنتتىگى.
«مەملەكەتتىك تىلدە قاشان سويلەي باستايسىز؟» دەگەن جۋرناليستەردىڭ سۇراعىنا مينيستر قازاق ءتىلىنىڭ دايىندىق كۋرسىنا جازىلىپ، ۇيرەنىپ جۇرگەنىن ايتتى.
«ءبىر جىلدا قازاقشا سايرايمىن دەپ ويلايمىن. بۇگىندە اپتاسىنا ءۇش رەت قازاق تىلىنەن ساباق الامىن. اۋىلعا بارعاندە جەرگىلىكتى تۇرعىندارىمەن، تۋىسقاندارىممەن قازاقشا سويلەسەمىن. ونىڭ ماعان كوپ كومەگى تيەدى»،-دەپتى بەكەتايەۆ مىرزا.
