شانحايدىڭ حالىقارالىق اۋەجايى «پۋدۋندا» قىتايلىق جاڭا C919 جولاۋشىلارعا ارنالعان ۇشاعىن سىناپ كوردى، دەپ حابارلايدى قامشى اقپاراتتىق اگەنتتىگى تاسس باسىلىمىنا سىلتەمە جاساپ.

ول العاش رەت كوككە كوتەرىلدى. بۇل ۋاقىتقا دەيىن ۇشاق 118-گە جۋىق ۇشۋ سىناقتارىنان وتكەن، سونىمەن قاتار ءتۇرلى جىلدامدىقتا ۇشاقتى باسقارۋ سىنىنان دە وتكەن بولاتىن. پەكيندە Comac كومپانياسى جاساپ شىعارعان بۇل ۇشاق Boeing مەن Airbus كومپانيالارىنىڭ ۇشاعىمەن تەڭ دارەجەدە باسەكەلەس بولا الاتىندىعىنا سەنىم ءبىلدىرىپ وتىر.

C919 ۇشاعىنىڭ العاشقى نۇسقاسى 2015 جىلدىڭ قاراشا ايىندا شانحاي قالاسىندا جاسالعان بولاتىن. ال ۇشاقتىڭ نەگىزگى جوباسى 2008 جىلدان باستالعان. ۇشاقتى قۇراستىرۋ جۇمىسىنا 200-دەن استام كاسىپورىندار مەن قحر-نىڭ 22 ايلاعىنان 36 عىلىمي-ىزدەۋ ورتالىقتارى قاتىسقان.

ۇشاقتىڭ ورىندىقتارى بىرنەشە نۇسقادا وندىرىلگەن، 158 ورىننان باستاپ 190-عا دەيىن جەتەدى. C919 ۇشاعىنىڭ ورتاشا ۇشۋ قاشىقتىعى 4075 شاقىرىم بولسا، ماكسيمالدى قاشىقتىق 5000 شاقىرىمعا دەيىن جەتەدى ەكەن. اۆيالاينەر 12 100 مەتر بيىكتىككە دەيىن كوتەرىلە الادى.

People’s Daily Online باسىلىمى C919 ۇشاعى 2018 جىلى ىسكە قوسىلادى دەپ مالىمدەگەن بولاتىن. ال Comac كومپانياسى مۇنداي مودەلدى ۇشاقتاردى 100 ملرد دوللارعا باعالاپ وتىر.

اۋدارعان: نازەركە لابيحان