كەلەسى جىلدان باستاپ، مۇعالىمدەردىڭ جالاقىسى ورتا ەسەپپەن 15-29 پايىزعا كوتەرىلەدى. ازاماتتىق قىزمەتشىلەرگە ەڭبەكاقى تولەۋدىڭ جاڭا جۇيەسى ق ر ءبىلىم جانە عىلىم مينيسترلىگىنىڭ القا ماجىلىسىندە تالقىلاندى، بۇل جايىندا Tengrinews.kz حابارلادى.

ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ىشكى باقىلاۋ دەپارتامەنتى ديرەكتورى گۇلنار الىمبەكوۆانىڭ ايتۋىنشا، مۇعالىمدەر جالاقىسى 15-29 پايىزعا كوتەرىلەدى. "مىسالى، لاۋازىمدىق ايلىقتىڭ 10 پايىزى كولەمىندەگى بىلىكتىلىك ساناتى، داپتەر تەكسەرۋ، سىنىپ جەتەكشىلىگى، ەرەكشە ەڭبەك جاعدايى سياقتى 1 ساۋىردەن باستاپ ەنگىزىلگەن تولەمدەردى ەسەپكە العاندا، بۇگىندە 14-17 جىل ەڭبەك ءوتىلى بار جوعارى ساناتتى مۇعالىمدەردىڭ جالاقىسى - 81 مىڭ 548 تەڭگە. 2015 جىلدىڭ 1 شىلدەسىنەن باستاپ، اتالعان تولەمدەردى ەسەپكە العاندا، بۇل جالاقى 109 مىڭ 527 تەڭگە بولادى"

دەپارتامەنت ديرەكتورىنىڭ ايتۋىنشا، اۋىل مەكتەپتەرىندە جۇمىس ىستەيتىن مۇعالىمدەردىڭ جالاقىسىندا ءوسىم پايىزى جوعارى بولادى.  ال، مينيستر اسلان ءسارىنجىپوۆ بولسا، ىنتالاندىرۋدى ارتتىرۋ ءۇشىن ۇستەمەاقى جۇيەسى ەنگىزىلەتىنىن ايتتى.   

قامشى-اقپارات