تاشكەنتتە بوكستان ازيا چەمپيوناتى ءوز مارەسىنە جەتتى دەپ حابارلايدى قامشى اقپاراتتىق اگەنتتىگى Vesti.kz-گە سىلتەمە جاساپ.

تۋرنيردە قازاقستاندىقتار مەدالدىق ەسەپ بويىنشا رينگتى وتكىزۋشىلەردىڭ ارتىندا قالىپ، بوكسشىلارىمىز جالپى كوماندالىق ەسەپ بويىنشا ەكىنشى ورىنعا يە بولدى. الايدا چەمپيوناتتا قازاقستاندىقتار ءۇش التىن جوسپارلاعان. فينالعا ءتورت وتانداسىمىز شىققانىمەن تەك ۇندىلىك سۋميت سانگۆانمەن بوكستاسقان 2016 وليمپياداسىنىڭ كۇمىس مەدال يەگەرى ۆاسيليي ليەۆيت (91 كيلوگراممعا دەيىنگى) قانا ءۇمىتتى اقتادى. ول 2009 جىلى قىتايدا جانە 2015 جىلى تايلاندتا ازيا چەمپيونى اتانعان.

جارتىلاي اۋىر سالماقتاعى ەرىك ءالجانوۆ ساتسىزدىككە ۇرىنىپ، كۇمىس الدى.  ەكىنشى كۇنى التىنعا تالاسقان ءجۇسىپوۆ شاحرام گياسوۆتەن، ال قوڭقابايەۆ باحودير جالولوۆتەن جەڭىلدى. وسىلايشا وزبەكتەر توعىز التىنعا يە بولدى. سونىمەن مەدالدىق ەسەپ:

1. وزبەكستان - 9 التىن؛
2. قازاقستان - 1 التىن، 3 كۇمىس، 4 قولا؛
3-4. ءۇندىستان - 2 كۇمىس جانە  2 قولا؛
مونعوليا - 2 كۇمىس جانە  2 قولا
5. وڭتۇستىك كورەيا - 2 كۇمىس، 1 قولا؛
6. جۇڭگو - 1 كۇمىس 2 قولا؛
7-8. فيليپپين  - 2 قولا؛
سيريا - 2 قولا؛
9-13. تۇركىمەنستان، تاجىكستان، قىرعىزستان، يران، يوردانيا 1 قولا مەدالدەن.

ەسكە سالايىق، بوكستان ازيا چەمپيوناتى تاشكەنتتە ءوتىپ جاتىر جانە گەرمانيادا وتەتىن الەم بىرىنشىلىگىنىڭ ىرىكتەۋ كەزەڭى بولىپ ەسەپتەلەدى.

دايىنداعان اقان بەكتاس