مەكسيكالىق بوكسشى ساۋل "كانەلو" الۆارەستىڭ قازاقستاندىق گەنناديي گولوۆكينمەن جەكپە-جەككە دايىندىعىن قاشان باستايتىنى بەلگىلى بولدى، دەپ حابارلايدى قامشى اقپاراتتىق اگەنتتىگى.

Vesti.kz پورتالىنىڭ مالىمەتىنشە، مەكسيكالىق بوكسشىنىڭ باپكەرى ەددي رەينوسونىڭ ايتۋىنشا، "كانەلو" ەكى اپتا دەمالادى دا، گولوۆكينمەن جەكپە-جەككە شىعۋ ءۇشىن دايىندىعىن باستايدى.

"كانەلو" ون كۇندەي، ارى كەتسە ەكى اپتا دەمالادى، سوسىن جۇگىرۋدى باستايدى، جۇمىسىن سولاي مولايتا بەرەدى. بۇل جولى ءبىز لوس-اندجەلەستە جۇدىرىقتاسامىز. وسىنداي ءىرى جەكپە-جەكتەن كەيىن ءبىز جەڭىسكە كوڭىلىمىز تولادى، جاقسى ءىس تىندىردىق. دايىندىعىمىز جاقسى بولدى، بۇل جەكپە-جەكتە كورىندى. حالىق "كانەلو" التىنشى راۋندتتان كەيىن السىرەي باستايدى دەپ ويلاعان، ءبىراق ول ءوز بۇرىشىندا وتىرمادى دا. بۇل ونىڭ الداعى جەكپە-جەككە وتە جاقسى مۇمكىندىگى»، - دەدى ول.

ەسكە سالايىق، 7 مامىردا الۆارەس وتانداسى حۋليو سەزار چاۆەستى تورەشىلەردىڭ شەشىمىمەن جەڭگەن بولاتىن. لاس-ۆەگاستاعى T-Mobile ارەناسىندا وتكەن بوكس كەشىنىڭ باستى جەكپە-جەگى 12 راۋندقا سوزىلىپ، ونىڭ قورىتىندىسىندا قازىلار القاسى 120-108 ەسەبىمەن جەڭىستى الۆارەسكە بەرگەن. 

جەكپە-جەكتەن كەيىن رينگكە گولوۆكين شىعىپ، الۆارەسپەن 16 قىركۇيەكتە كەزدەسەتىنى ءمالىم بولدى. 
 

شولۋشى: گۇلىم جاقان