ق ر پارلامەنتى سەناتى «ەۋرازيالىق ەكونوميكالىق وداق تۋرالى كەلىسىمدى» 9 قازان كۇنى جالپى وتىرىستا راتيفيكاسيالاۋدى جوسپارلاۋدا. بۇل تۋرالى بۇگىن جوعارعى پالاتانىڭ ەكونوميكالىق ساياسات، يننوۆاسيالىق دامۋ جانە كاسىپكەرلىك كوميتەتىنىڭ ءتوراعاسى تالعاتبەك ءابايدىلدين مالىمدەگەن. قازاقپراتتىڭ جازۋىنشا كوميتەت ءتوراعاسى: «9 قازاندا وتەتىن سەناتتىڭ جالپى وتىرىسىندا  ەاەو تۋرالى كەلىسىمدى راتيفيكاسيالاۋ جوسپارلانىپ وتىر. مەن سەنات وتىرىسىنا قۇجاتتىڭ تولىق ءماتىنىن ەنگىزۋدى ۇسىنامىن»، - دەپ اتاپ وتكەن. ونىڭ مالىمەتىنشە،ۇكىمەت اتىنان كەلىسىمدى قورعاۋ ءۇشىن ق ر ۇلتتىق ەكونوميكا ءمينيسترى ەربولات دوسايەۆ بايانداما جاسايدى.

ەستەرىڭىزدە بولسا، 1 قازان كۇنى پارلامەنت ءماجىلىسى اتالعان كەلىسىمدى كوپ تالقىلاپ جاتپاي-اق ماقۇلداپ جىبەرگەن بولاتىن. بۇعان بايلانىستى قازاقستاندىقتار الەۋمەتتىك جەلىلەردە ءوز نارازىلىقتارىن بىلدىرگەن ەدى. بيىلعى جىلدىڭ 29 مامىرىندا قول قويىلعان «ەاەو قۇرۋ تۋرالى شارت» پارلامەنتتىڭ راتيفيكاسيالاۋىنان وتسە، پرەزيدەنت قول قويعاننان سوڭ جوسپارلانعان وداق تولىقتاي جۇمىس ىستەۋ مەحانيزمىنە دايىن بولادى. ياعني 2015 جىلدىڭ 1 قاڭتارىنان ەاەو ءوز جۇمىسىن باستايدى.

قامشى-اقپارات