قازاقستاننىڭ ءبىرىنشى راكەتكاسى زارينا دياس 6-12 قازان ارالىعىندا جاپونيانىڭ وساكا قالاسىندا وتەتىن حالىقارالىق تۋرنيردە ب ا ق سىنايتىن بولادى. جۇلدە قورى - 250 مىڭ اقش دوللارى بولاتىن اتالمىش تۋرنيردە زارينانىڭ تابىستى ونەر كورسەتۋىنە مۇمكىندىگى تولىق. ويتكەنى وسى جارىستىڭ ءبىرىنشى راكەتكاسى، اتاقتى اۆستراليالىق سامانتا ستوسۋرمەن زارينانىڭ جولى تەك فينالدا عانا توقايلاسۋى مۇمكىن. قازاقستاندىق سپورتشى امەريكاندىق مەديسون كيس، كوكو ۆانديەۆەگە، ۋكراينالىق ەلينا سۆيتولينا سياقتى تەننيسشىلەرمەن دە باسەكە وتكىزۋى مۇمكىن. بۇل تۋرنيرگە تاعى ءبىر قازاقستاندىق يۋليا پۋتينسيەۆا دا قاتىسپاق. قازاقپاراتتىڭ جازۋىنشا زارينا دياس ماريا شاراپوۆا نەمەسە ۆيكتوريا ازارەنكو سىندى ماڭدايالدى الەمنىڭ تەننيسشىلەرىمەن شەبەرلىك بايقاسۋعا دايىن ەكەندىگىن ايتقان. ول جىل سوڭىنا دەيىن ۇزدىك وتىز تەننيسشىنىڭ قاتارىنا ەنۋدى ماقسات ەتۋدە. 

قازاقستاننىڭ ءنومىرى ءبىرىنشى راكەتكاسى زارينا دياس وتكەن اپتادا قىتايدىڭ ۋحان قالاسىنداعى حالىقارالىق ءتۋرنيردىڭ ەكىنشى اينالىمىنا ءوتىپ، سونىڭ ارقاسىندا رەيتينگتىك ۇپاي العان. وعان ساي زارينا دياس WTA (حالىقارالىق تەننيس فەدەراسياسى) رەيتينگىسىندەگى 39-ورىننان 37-ورىنعا كوتەرىلدى. زارينا دياس بيىلعى جىلدىڭ باسىندا الەمدىك رەيتينگتە 112-ورىندا تۇرعان.

قامشى-اقپارات