سالەمەتسىڭ بە، اناشىم!

بىرنەشە كۇن بويى سوعىس بولىپ، وزىڭە حات جازا المادىم. ءبىزدىڭ ديۆيزيامىز بۇرىنعىشا ماسكەۋ تۇبىندە. نەمىستەر ەكىنشى رەت شابۋىلدى باستادى، ءبىراق، ءبىز وسى جولى ماسكەۋدى ولارعا بەرىپ قويمايمىز. 

بومبا ءالسىن-السىن جارىلىپ، قۇلاقتى جەپ قويعان سوڭ، بىردەن تاماشا تىنىشتىق ورنادى. اسپان اشىق. نەمىس بومبالاۋشىلارىنىڭ ءتۇتىنى سەيىلدى. كۇن شاقىرايىپ شىعىپ تۇر. اپپاق قارعا (سوعىس ءىزىن سالماعان) قاراپ وتىرىپ، ءبارى ءبىتتى، سوعىس اياقتالدى دەپ ويلايسىڭ. ەسىمە بالالىق شاعىم ورالدى. يىعىمداعى جۇگىمدى لاقتىرىپ تاستاپ، شاڭعى تەبەر مە ەدى، شىركىن!

 ءبارى الدا، وعان سەنىمىم كامىل، قازىرگى باستى ماقساتىمىز – ماسكەۋدى قورعاۋ. قاسىمدا جولداستارىم بار. بىرەۋى ۇيىقتاپ وتىر، ەكىنشىسى حات جازۋدا. وسى ايلار ىشىندە كورمەگەنىمىز جوق، ولار مەنىڭ جان باۋىرىما اينالدى. قاسىمدا مەنى قورعايتىن سەنىمدى سەرىگىم بار. بىزگە سەن، اناشىم، ءبارىڭدى دە قورعايمىز، ءۇيىمىزدى جاۋعا بەرمەيمىز! ءۇيدىڭ تابالدىرىعىنان سەن مەنى كۇتىپ الاسىڭ ءالى، ول كۇن دە تۋار... ءوزىڭدى كۇت، اناجان، مەنىڭ بار ويىم – ءوزىڭ...

الىستان اسكەردىڭ ءۇنى تالىپ ەستىلدى. نەمىستەر شابۋىلعا دايىندالعان سياقتى. ءقازىر اتىس باستالادى. ءوز ورنىما قايتۋىم كەرەك. شەشۋشى ءسات تۋدى!

سەنى قاتتى قۇشاقتادىم، اناشىم. قولىم قالت ەتكەندە تاعى جازارمىن. 

1941 جىل، جەلتوقسان

ۇلىڭ.
 

دەرەككوز: massaget.kz