تولياتتيدەگى وتباسىلىق جۇپ نەمىس وۆچاركاسىن كۇشىك كەزىندە اسىراپ العان. ۋاقىت وتە كەلە يت وتباسىنىڭ ءبىر مۇشەسىندەي بولىپ كەتەدى. وتباسىلىق جۇپ قايدا بارسا دا ءيتىن بىرگە ەرتىپ جۇرەتىن. جازدا ءيتتىڭ يەلەرى جولدا كەلە جاتىپ باسقا كولىكپەن سوقتىعىسىپ، سول جەردە كوز جۇمادى. تەك يت قانا ءتىرى قالعان.

اپات ورنىندا ەسىن جيعان يت يەلەرىن ءدال سول جەردە تاپجىلماستان كۇتەدى. كۇندەر، ايلار وتەدى. يت ورنىنان قوزعالمايدى. كەز-كەلگەن اۋا-رايىندا يت يەلەرىن كۇتۋىن توقتاتپايدى.

كورشى ءۇيدىڭ تۇرعىندارى ءيتتى اسىراپ الۋعا بەكىنەدى. الايدا يت ەشكىمگە باعىنباي اپات بولعان جەرگە قاراي قاشىپ كەتىپ وتىرعان.

تۇرعىندار ونى كونستانتين دەپ اتاپ كەتەدى. گرەك تىلىنەن اۋدارعاندا ول «ادال» دەگەن ماعىنانى بىلدىرەدى. جەتى جىلدا يت تولياتتيي تۇرعىندارى اراسىندا تانىلىپ ۇلگەردى.

ءبىر كۇنى قوعامدىق كولىكتەن ءوتىپ بارا جاتىپ، حالىق جولدىڭ جيەگىندەگى ءيتتى كورمەيدى. كوشە بوساپ قالعانداي.

«بارلىعى ونى كورەتىن جانە حالىقتىڭ بارلىعى ونى بىلەتىن. كونستانتين ءولىپ قالعاندا ىشىمىزدە بىردەڭە اۋدارىلىپ تۇسكەندەي بولدى. ءقازىر ونداي ادالدىقتى كوپ كەزدەستىرە بەرمەيسىڭ» دەيدى تولياتتي تۇرعىنى ناتاليا مۋرومەس.

ءيتتى ورماندا ءولى كۇيىندە تاپقان. قالا تۇرعىندارى 2003 جىلى اقشا جيناپ يتكە ەسكەرتكىش ورناتقان. ءقازىر كونستانتين جولدىڭ بويىندا يەلەرىن كۇتىپ جولعا كوز سالىپ، ادامدارعا ادالدىق پەن ماحاببات تۋرالى ەسكە سالىپ تۇرادى. 

اۋدارعان: اسەم المۇحانبەت