يزرايلدا 14 جاستاعى بالانى اتا-اناسى تۋىلعاننان قاماۋدا ۇستاپ، دالاعا شىعارماعان دەپ حابارلايدى قامشى اقپاراتتىق اگەنتتىگى  BBC-گە سىلتەمە جاساپ. يزرايل ارمياسىنىڭ حابارلاۋىنشا، جەتكىنشەكتى ۇيدەن ايىنا ءبىر مارتە، تۇندە عانا شىعارىپ وتىرعان. كەيدە ونى بالكونداعى توردا ۇستاعان.

بالانىڭ اتا-اناسى تۇتقىندالدى. ولاردىڭ سوزىنشە، بالانىڭ دەنساۋلىعىنى بايلانىستى ونى قاماۋدا ۇستاعان.

پوليسەيلەر اتا-اناسىن ۇستاعانعا دەيىن كورشىلەرى بىرنەشە رەت جەرگىلىكتى مۋنيسيپالدى بيلىككە پاتەردەن ۇنەمى جاعىمسىز ءيىس شىعىپ تۇراتىن ايتىپ شاعىمدانعان. كورشىلەردىڭ ءبىرى بالانى تەرەزەدەن كورىپ قالعان. ونىڭ ايتۋىنشا، ول قورقىنىشتى فيلمدەگى زومبي سەكىلدى تۇرعان.

«مەن ونىڭ كوزدەرىنە قاراعاندا ول مەننەن كومەك سۇراپ تۇرعانداي بولدى. مەن بىردەڭە ىستەۋ كەرەكتىگىن ءتۇسىندىم» دەيدى كورشىسى ۋاكنين.

بالانىڭ اتا-اناسى 2009 جىلى رەسەيدەن كوشىپ كەلگەن ەكەن. ولاردىڭ جاسى 60-تا. بالالارى بار ەكەنىن جاسىرىپ، ەشقانداي قۇجات راسىمدەمەگەن. بالانى مەكتەپكە دە جىبەرمەگەن.

شولۋشى: اسەم المۇحانبەت