ەۋروپا مەن ازيا بويىنشا كوپتەگەن ۇيىمدار زياندى باعدارلامالاردىڭ كەسىرىنەن كيبەر شابۋىلعا تاپ بولعان دەپ جازادى قامشى اقپاراتتىق اگەنتتىگى BBC-گە سىلتەمە جاساپ.  

MalwareHunterTeam كيبەر قاۋىپسىزدىك ساراپشىلارى توبىنىڭ مالىمەتىنشە، ۆيرۋستىڭ شابۋىلىنان رەسەي مەن تايۆان ايماعىنداعى سەرۆەرلەرگە زيان كەلگەن.

انگليا، يسپانيا، يتاليا، گەرمانيا، پورتۋگاليا، تۇركيا، ۋكراينا، قازاقستان، يندونەزيا، ۆەتنام، جاپونيا مەن فيليپپين ەلدەرىنىڭ كومپيۋتەرلىك جۇيەسىنە دە شابۋىل جاسالعان.

«جاڭا ۆيرۋس وتە جوعارى جىلدامدىقپەن تارالادى» دەيدى MalwareHunterTeam زەرتتەۋشىلەرى.

ءقاۋىپتى باعدارلامالار كومپيۋتەرلەردى بۇعاتتاپ ونى اشۋ ءۇشىن بيتكوني تۇرىندە اقى تولەۋدى تالاپ ەتەدى.

«جوسپارلى تەحنيكالىق جۇمىستار»

رەسەيلىك ءبىرقاتار باق-تىڭ حابارلاۋىنشا، رەسەيدە ءىىم مەن بايلانىس وپەراتورلارىنا حاكەرلىك شابۋىل جاسالعان.

"مەگافون" وكىلى پەتر ليدوۆ-پەتروۆسكيي كومپانيا كومپيۋتەرلەرىنە شابۋىل جاساعانىن، ءبىراق ابونەنتتەردىڭ بايلانىسىنا اسەر ەتە الماعانىن ايتادى. IT ماماندارى ۆيرۋس تارالماۋى ءۇشىن جۇيەنى وشىرۋىنە تۋرا كەلگەن.

ءقازىر اتالمىش كومپانيا «كاسپەرسكيي زەرتحاناسىمەن» قوسىلىپ زياندى باعدارلامانى وشىرۋگە تالپىنۋدا.

"ۆىمپەلكوم" ("بيلاين") وكىلى اننا ايباشيەۆانىڭ ايتۋىنشا، ولار شابۋىلعا تويتارىس بەرە العان. 

ۆيرۋستى شابۋىلدى رەسەيدىڭ ءىىم باسپا ءسوز قىزمەتى دە مويىنداپ وتىر. بۇدان بۇرىن ءىىم اقاۋلار «جوسپارلى تەحنيكالىق جۇمىستارمەن» بايلانىستى دەگەندى ايتقان.

ءىىم رەسمي وكىلى يرينا ۆولك مىڭداعان كومپيۋتەردە ۆيرۋس بار ەكەنىن حابارلادى. بۇل 1% تومەن كورسەتكىش.

«ءقازىر ۆيرۋستىڭ كوزى جويىلدى. ونى تولىقتاي قۇرتىپ، جۇمىستى قايتا قالپىنا كەلتىرۋ ءۇشىن تەحنيكالىق جۇمىستار اتقارىلىپ جاتىر» دەيدى يرينا ۆولك.

رەسەيدىڭ تەرگەۋ كوميتەتىنىڭ ءتوراعاسى سۆەتلانا پەترەنكو تەرگەۋ كوميتەتىنەن ەشقانداي شابۋىل جاسالماعىنان ايتقان.

تولەم اقى – 600 دوللار

بريتانيانىڭ دەنساۋلىق ساقتاۋ قىزمەتى اۋرۋحانانىڭ كومپيۋتەر جۇيەسى «بوپسالاۋشى كومپانيالاردىڭ» كەسىرىنەن ىستەن شىققانىن بۇعان دەيىن حابارلاعان.

MalwareHunterTeam ساراپشىلارىنىڭ بەرگەن اقپاراتىنا سايكەس، كومپيۋتەرلەر WanaCrypt0r 2.0 زياندى باعدارلامالارمەن شابۋىل جاسالعان. ول العاش رەت 2017 جىلدىڭ اقپان ايىندا شىقتى.

«كاسپەرسكيي زەرتحاناسىنىڭ» ماماندارى شابۋىل  Microsoft جۇيەسى ارقىلى جاسالعانىن انىقتاعان.

«بۇعاتتان شىعارۋ ءۇشىن زيانكەستەر $600 كولەمىندە قارجى تالاپ ەتىپ وتىر. «كاسپەرسكيي زەرتحاناسى» 74 ەلگە 45 000 شابۋىل جاساۋ ارەكەتىن انىقتادى.

شولۋشى: اسەم المۇحانبەت