تۋريستەر كۋبەر-پەديدەگى شۇڭقىردا نە بارىن كورگەندە ەسىنەن تانىپ قالا جازدادى (فوتو)

/uploads/thumbnail/20170710063251667_small.jpg

تاراقاندار جەر عالامشارىنداعى ەڭ جانى ءسىرى ءتىرى جان بولىپ ەسەپتەلەتىن. "يادەرلى سوعىس بولسا تەك تارقاندار عانا ءتىرى قالادى" دەگەن قالجىڭدار دا ءجيى ايتىلاتىن. شىن مانىسىندە، بەيىمدەلۋ جاعىنان ادامدى ەشتەڭە باسىپ وزا المايتىن شىعار.

ادامدار سىبىردەگى قالىڭ قاردىڭ ورتاسىنان افريكانىڭ ىستىق دجۋنگليلارىنا دەيىن قالالار سالدى دەپ جازادى قامشى اقپاراتتىق اگەنتتىگى.

ماقالادا ايتىلاتىن ەلدى مەكەن، ادام شىن قالاسا بارلىق جاعداي جاساي الاتىنىن تاعى ءبىر مارتە دالەلدەيدى.

اۋستراليالىق كۋبەر-پەدي قالاشىعى ادەتتەگى قاراپايىم قالا سەكىلدى كورىنەدى. الايدا قىزىقتىڭ بارلىعى جەردىڭ استىندا جاسىرىنعان. 

قالادا مۇنداي بەلگىلەر وتە كوپ.

كۋبەر-پەديدىڭ جارتى تۇرعىنى جەردىڭ استىندا تۇرادى. بۇرىن ءبۇتىن ءبىر قالا جەردىڭ استىندا بولعان.

اتالمىش قالا اۋستراليانىڭ ەڭ قۇرعاق ايماعى ۆيكتوريا شولىندە ورنالاسقان. مۇندا سۋ تاپشى. بۇرىندا تۇرعىندار بىرنەشە شاقىرىم قاشىقتىقتا ورنالاسقان قۇدىقتان سۋ الىپ كەلەتىن. ءقازىر قالاعا سۋ قۇبىرى جۇرگىزىلگەن.

كۋبەر-پەدي جىلتىر تاستىڭ استاناسى بولىپ ەسەپتەلەدى. الەمدەگى بۇل قۇندى تاستاردىڭ 30% ءدال وسى جەردەن تابىلادى.

قالا تۇرعىندارىنىڭ كوبى تاۋ-كەن وندىرىسىندە قىزمەت ەتكەن. سوندىقتان، جەر استىنداعى ءۇي ولار ءۇشىن وتە ىڭعايلى ەدى. كەيبىرى ۇيىنەن شاحتاعا شىعاتىن تىكەلەي جول جاساعان.

ءقازىر مۇندا بارلىعى وزگەرگەن. تاۋ-كەن وندىرىسىمەن اينالىساتىن كۋبەر-پەدي قالاشىعى مىڭداعان ءتۋريستى قابىلدايتىن قالاعا اينالدى.

ءقازىر تۋريستىك يندۋستريا قالاعا اسىل تاستاردان كەم ەمەس كىرىس الىپ كەلەدى. دەسەك تە، ەرەكشە قالا ءالى كۇنگە دەيىن جىلتىر تاستىڭ استاناسى بولىپ ەسەپتەلەدى.

كۋبەر-پەديگە كەلگەن قوناقتار جەر استى ۇيلەرىندە تۇرىپ كورۋدى ارماندايدى. مۇندا تۇرعىن ۇيلەرمەن قاتار جەر استىندا سالىنعان قوناق ۇيلەر، دۇكەندەر، مەيرامحانالار جانە شىركەۋ بار.

كۋبەر-پەديدە جول كورسەتىلگەن نۇسقاۋلىقتار بار. قالادا تۇرۋ وڭاي ەمەس. وندا اۋا-رايى وتە ىستىق. سۋ التىمەن تەڭ. وسىمدىك مۇلدە وسپەيدى.  وسىعان قاراماستان كۋبەر-پەدي تۇرعىندارى ءومىر سۇرۋگە ىڭعايلى ورتانى قالىپتاستىرا الدى.

دايىنداعان: اسەم المۇحانبەت

 

 

پىكىر قالدىرۋ

قاتىستى ماقالالار