ەكىنشى دۇنيەجۇزىلىك سوعىس كەزىندە بولعان جايتتار تۋرالى كەيبىر دەرەكتەر ءالى كۇنگە دەيىن اشىق ايتىلماي كەلەدى. سولاردىڭ ءبىرى گوللانديالىق اپكەلى-سىڭلى وۆەرستەردىڭ ارەكەتى.
سوعىس كەزىندە ەكەۋى جاس جەتكىنشەك ەدى. فرەددي جاڭادان 14-كە تولعان. وسىعان قاراماستان فاشيستىك گەرمانيانى جەڭۋگە ءوز ۇلەسىن قوسۋعا بەكىندى.
نەمىس سولداتتارى پەرىشتە كەيىپتەگى كىشكەنتاي ەكى قىز ولار ءۇشىن ءقاۋىپتى ەكەنىن سەزبەدى. تراۋس پەن فرەددي نەمىستەرگە قارسى ءوز سۇلۋلىعىن پايدالاندى. قىزدارعا ءتۇرلى تاپسىرمالار جۇكتەلدى.
فرەددي مەن تراۋس نەمىس وفيسەرلەرىنىڭ كوڭىلىن وزدەرىنە اۋدارۋ ءۇشىن كوشەگە بارىنشا دايىندالىپ شىعاتىن. وسىلايشا نەمىس اسكەرىن ورمانعا قاراي الىپ شىعۋعا ارەكەتتەندى. ال وندا نەمىستەردى اتىپ تاستايتىن. جوعارى شەندى وفيسەرلەر بولسا ماڭىزدى اقپارات الۋ ءۇشىن تۇتقىنعا الدى.
سوعىس اياقتالعاننان كەيىن فرەددي مەن تراۋستى گوللانديا بيلىگى ارنايى ماراپاتتادى. الايدا ايەلدەر ۇزاق ۋاقىت فاشيستىك گەرمانيانى جەڭۋ ءۇشىن جاساعان ارەكەتىنىڭ انىق-قانىعىن جاسىرىپ كەلدى. تەك قاريا شاعىندا عانا نەمىستەرمەن كۇرەستە نەندەي ارەكەتكە بارعاندارىن اشىق ايتىپ بەرگەن.
دايىنداعان: اسەم المۇحانبەت
