ۆينسەنت ەسىمدى جاس ءسابي شۆەسيادا ءوزىنىڭ اتا-اناسىمەن بىرگە ءومىر سۇرۋدە.  ءبىر قاراعاندا وزىمەن جاستى بالالاردان ەش ايىرماشىلىعى جوق بولىپ كورىنەدى. الايدا ۆينسەنتتىڭ دۇنيەگە كەلۋىنە دارىگەرلەر  كوپ كۇش جۇمساعان، دەپ حابارلايدى قامشى اقپاراتتىق اگەنتتىگى.

ۆينسەنت اكەسى كلاۋس پەن اناسى مالين ەكەۋىنىڭ ماحابباتىنىڭ  جەمىسى عانا ەمەس مەديسينانىڭ ارالاسۋى ارقىلى دۇنيەگە كەلگەن ءسابي.  بۇل جاعدايدى اكەسى مەن اناسى ءبىر جىل بويى بۇكىل الەمنەن جاسىرىپ كەلگەن، الايدا بۇل مەديسينانىڭ وزىق ۇلگىسىن تانىتىپ وتىرعان جاعداي كوپشىلىككە جايىلدى.

ءسابيدىڭ دۇنيەگە كەلۋى الەمدەگى مىڭداعان ايەلدەرگە ءۇمىت وتىن سىيلادى.

بۇرىن مالين ءوزىن ەشقاشان انا بولا المايمىن دەپ ويلاعان. سيرەك كەزدەسەتىن تۋا بىتكەن اۋرۋ بويىنشا ايەل جاتىرسىز دۇنيەگە كەلگەن. 29 جاسقا دەيىن وزىنە انا بولۋ باقىتى بۇيىرمايدى دەپ ساناعان.

الايدا كاسىبي گولف ويىنشىسى كلاۋس نيلسونمەن وتاۋ قۇرعاننان كەيىن ءومىرى تۇبەگەيلى وزگەرەدى. ەرى ايەلىنىڭ بەدەۋ ەكەنىنە كونگىسى كەلمەي ، ءتۇرلى جولدارىن قاراستىرا باستايدى.

تاريحتا ەڭ العاشقى جاتىر اۋىستىرۋ 1931 جىلى ورىن العان.  الايدا ايەلدىڭ اعزاسى جاڭا ورگاندى قابىلداي الماي 3 ايدان كەيىن كوز جۇمادى.

تاريحتاعى العاشقى ءساتتى وپەراسيا  تۇركيا ەلىندە 2011 جىلى جاسالادى. ءبىراق وپەراسيادان كەيىن ايەل بالا كوتەرە  الماعان.

ال مالين 2014 جىلى ءوزىنىڭ ۇلىنا جارىق دۇنيە سىيلاپ، قانشاما سونگەن ءۇمىتتىڭ وتىن قايتا جاقتى.

مالينگە ءوزىنىڭ جاتىرىن 61 جاستاعى سول وتباسىنىڭ جاقىن دوسى سىيلايدى. جاتىر بەرگەن ايەلدىڭ ەكى بالاسى ،4 نەمەرەسى بار. ال جاڭا تۋىلعان ۆيتسوندى «جەتىنشى كەرەمەتكە» تەڭەيدى.

وپەراسيادان كەيىن ءماليننىڭ جاتىرىن الىپ تاستاۋعا تۋرا كەلدى. ۆيتسوننىڭ ءىنىسى مەن قارىنداسى بولمايتىنى انىق ، ءبىراق ۆيتسوندى باستارىنا قونعان باققا بالاپ وتىر.

دايىنداعان: ايگەرىم تاۋباي