بۇل تۋرالى «31 ارنا» حابارلادى. ەلىمىزدە تەررويزممەن كۇرەسكە بايلانىستى زاڭدار كۇشەيتىلەدى. سوعان بايلانىستى ەندى لاڭكەستەرگە قازاقستانعا  كەلەر جول مۇلدە جابىلادى. باس پروكۋراتۋرا دايىنداپ جاتقان جاڭا زاڭعا سايكەس، تەرروريزم جانە ەكسترەميزمگە قاتىسى بار شەتەلدىكتەر ەل اۋماعىنا كىرگىزىلمەيدى. بۇل مىندەت ۇلتتىق قاۋىپسىزدىك قىزمەتى موينىندا. ال وتانداستارىمىزدىڭ وزگە ەلگە بارىپ لاڭكەستەردىڭ قاتارىنا قوسىلماسى ءۇشىن، قۇقىق قورعاۋشىلار شەكارا اساتىن كەزدە مۇنداي ارەكەتكە بارعانداردىڭ قاتاڭ جازالاناتىنىن ەسكەرتپەك. بۇعان دەيىنگى زاڭنامالاردا مۇنداي باپ قاراستىرىلماعان ەكەن. قازىرگى تاڭدا سيريا سىندى شيەلەنىس بولىپ جاتقان ەلدەردە اسكەري قاقتىعىستارعا اتسالىسىپ جاتقان ازاماتتارىمىز بۇرىنعى زاڭ بويىنشا جاۋاپكەرشىلىككە تارتىلادى.

باس ق ر پروكۋرورىنىڭ ورىنباسارى جاقىپ اسانوۆتىڭ مالىمدەۋىنشە كەلەر جىلدان باستاپ تەرروريستىك جانە ەكسترەميستىك ۇيىمداردىڭ ءتىزىمى ەلىمىزدە قايتا جاسالدى. ءتىزىمدى ارنايى قۇزىرلى ورگان جۇرگىزەتىن بولادى. وعان بارلىق قولجەتىمدىلىك قامتاماسىز ەتىلەدى. وندا ەكسترەميزمگە، تەرروريزمگە قاتىسى بار دەگەن كىسىلەردىڭ تولىق ءتىزىمى بولادى.

قامشى-اقپارات