WhatsApp مەسسەندجەرى 22 ميلليارد دوللارعا ساتىلدى. Nur.kz سايتى حابارلاۋىنشا، ونى Facebook الەۋمەتتىك جەلىسى رەسمي ساتىپ العان. اۋەلدە WhatsApp 19 ميلليارد دوللارعا ساتىلادى دەپ جوسپارلانعان. 6 قازانداعى كەلىسىمگە ساي جوسپاردان 3 ميللياردقا ارتىق سوماعا شارت جاسالىنعان. WhatsApp-تىڭ قولدانىستاعى بارلىق اكسيالارى مەن وپسيوندارى جابىلدى. Facebook بۇل مامىلە ءۇشىن ءوز اكسيالارىمەن قاتار 5 ميلليارد دوللارعا جۋىق قارجى تولەگەن.
WhatsApp - الەمدەگى ەڭ ءىرى ءارى تانىمال ءموبيلدى مەسسەندجەر. ونىڭ كومەگىمەن ۇيالى تەلەفون قولدانۋشىلارى بىر-بىرىمەن حابارلاما، سۋرەت، بەينەجازبالار سونداي-اق، دىبىس فايلدارىمەن جىلدام اۋىسا الادى. قازىرگى كەزدە الەم بويىنشا WhatsApp تۇتىنۋشىلارى 500 ميلليونداي.
قامشى-اقپارات
