2017 جىلعى ءقاڭتار-ساۋىر ارالىعىنداعى ءجىو ءوسىمىنىڭ قارقىنى 2017 جىلدىڭ 1 توقسانىنداعى 3% وسىممەن سالىستىرعاندا 3،7%-عا جىلدامداتىلدى دەپ حابارلادى قامشى اقپاراتتىق اگەنتتىگى.
تۇتىنۋشىلىق جانە ينۆەستيسيالىق سۇرانىس، سونىمەن قاتار ءجىو سەرپىنىن ساقتاۋعا كومەك كورسەتكەن ەكونوميكانىڭ شىنايى سەكتورىنداعى ۇلعايتىلعان بەلسەندىلىك ماڭىزدى فاكتورلارعا اينالدى.
نەگىزگى كاپيتالعا ينۆەستيسيالار 5،5%-عا ارتتى، 7،5%-عا دەيىن جىلدىق ينفلياسيانىڭ باسەڭدەۋى حالىقتىڭ تازا كىرىستەرىن 2،4%-عا جانە بولشەك ساۋدا كولەمىن 5،5%-عا (2016 جىلدىڭ ءقاڭتار-ساۋىر ايلارىندا 2،3%-عا تومەندەدى) ارتتىرۋعا ىقپال ەتتى. ءجىو وڭ سەرپىنى ءوندىرۋشى (7،8%-عا) جانە وڭدەۋشى (6،8%) سالالاردىڭ، قۇرىلىستىڭ (6،1%-عا) جانە قىزمەت كورسەتۋ (1،9%-عا) سالالارىنىڭ تۇراقتى وسىمىمەن قامتاماسىز ەتىلگەن.
تاۋ-كەن ءوندىرۋ ونەركاسىبى سالالارىنىڭ اراسىندا ءوندىرۋ بويىنشا وڭ قارقىن بايقالادى:
- كومىر جانە ليگنيت (18،9% ءوسىم)؛
- مۇناي (7،6%-عا)؛
- تابيعي گاز (13،2% ءوسىم).
انىقتاما: ءوسىم قاشاعان كەن ورنىندا شيكى مۇناي ءوندىرۋ كولەمىنىڭ، «ارسەلورميتتال تەمىرتاۋ» اق-دا، «بوگاتىر كومىر» جشس-دە، «ەەك» اق-دا (تاۋ-كەن جۇمىستارىن دامىتۋدىڭ بيزنەس جوسپارىنا سايكەس) كومىر كولەمى جانە «ءسستوب» اق-دا تەمىر كەنى ءوندىرىسىنىڭ ۇلعايتىلۋىمەن قامتاماسىز ەتىلگەن.
وڭدەۋ سالاسىنىڭ ماڭىزدى سەگمەنتتەرىندە دە وڭ وزگەرىستەر بايقالعان:
- مۇناي وڭدەۋ (9،1%-عا)؛
- فارماسيەۆتيكا (49،7% ءوسىم)؛
- مەتالل ەمەس مينەرالدى ءونىم ءوندىرىسى (5%)؛
- مەتاللۋرگيالىق ءونىم (8،3%)؛
- ماشينا جاساۋ (3،3%-عا).
اگروونەركاسىپ كەشەنى
اۋىل شارۋاشىلىعى جالپى ءونىمىنىڭ كولەمى 2،9% دەڭگەيىندە ساقتالدى.
ەسەپ بەرۋ كەزەڭىندە ازىق-تۇلىك ونىمدەرى ءوندىرىسى 5،7%-عا ۇلعايتىلدى، ال سۋسىن وندىرىسىندەگى ءوسىم 2،6%-دى قۇرادى.
قۇرىلىس سالاسى 6،1%-عا ۇلعايۋ ارقىلى وڭ قارقىندى ساقتاپ تۇر.
قۇرىلىس جۇمىستارى شيراق قارقىنمەن جۇرگىزىلۋدە:
- پاۆلودار وبلىسىندا (59،5%-عا ءوسىم)؛
- استانادا (19،1%)؛
- جامبىل وبلىسىندا (12،7%).
قۇرىلىس جۇمىستارى كولەمىنىڭ ۇلعايتىلۋى پمحز-دا جاڭعىرتۋدى جالعاستىرۋمەن، اقتوعاي تكبك-داعى، اقتوبە شاحتاسىنداعى، تۇرعىن ۇيلەر، مەكتەپتەر مەن سپورت-ساۋىقتىرۋ كەشەندەرىندەگى قۇرىلىسپەن بايلانىستى.
تىعىز سالاارالىق بايلانىستار، نەگىزىنەن، ونەركاسىپتىك سەكتوردىڭ جۇيە قۇرۋشى سالالارى قىزمەت كورسەتۋ سالالارىنداعى ءوسىمنىڭ جاقسارۋىنا وڭ ىقپال ەتەدى.
قىزمەت كورسەتۋ ءوندىرىسى ەسەپ بەرۋ كەزەڭىندە 1،9%-عا ءوستى. ساۋدا، اقپارات جانە بايلانىس سالالارىندا ءوسىم بايقالۋدا:
- جىل باسىنان بەرى ساۋدا ءوسىمى 2،4%-دى قۇرادى؛
- اقپارات جانە بايلانىس 2%-عا ۇلعايتىلدى؛
- كولىك جانە جيناۋ قىزمەتتەرى 3،5%-عا ءوستى؛
- جۇك اينالىمى 5،9%-عا ۇلعايتىلدى؛
- جولاۋشىلار اينالىمى - 3،2%-عا ءوستى.
