1981 جىلى دەنني ۋەلش قىزمەتتىك تىك ۇشاقتان جەردەگى ءىرى جول اپاتىن بايقاپ قالادى. ءوز ىسىنە ادال دارىگەر ۇشقىشقا قونۋدى بۇيىرادى دەپ جازادى قامشى اقپاراتتىق اگەنتتىگى.

كولىك جۇرگىزۋشىسى، ايەل مەن ونىڭ ءبىرىنشى بالاسى قاتتى زارداپ شەكپەگەن. ال ەكىنشى قىزى اۋىر جاراقاتتانعان ەدى.

ەكى جاسقا دا تولماعان ميسسي كولىكتىڭ الدىڭعى تەرەزەسىنەن جولعا شىعىپ كەتكەن. ول ۋاقىتتا قىز تىنىس الماعان. ميسسيگە دەرەۋ مەديسينالىق كومەك قاجەت ەدى. قىزى مەن اناسىنىڭ باقىتىنا وراي، دەنني ەسىمدى دارىگەر كومەككە كەلدى. ول ءوز ءىسىنىڭ ناعىز شەبەرى. ال ونىڭ قىزمەتتىك تىك ۇشاعى مەديسينالىق جابدىقتارمەن جابدىقتالعان بولاتىن. ابىروي بولعاندا، قىز قايتا تىنىس الا باستادى. دارىگەرلەر، ءبىرىنشى قۇداي، ەكىنشى دەننيدىڭ ارقاسىندا قىزدىڭ امان قالعانىن ايتادى.

ۋاقىت ءوتىپ، قىز ەسەيىپ، تۇرمىسقا شىقتى. دارىگەرلەر ءميسسيدىڭ اپاتقا بايلانىستى ىشكى اعزاسىنا زاقىم كەلگەنىن جانە سونىڭ سالدارىنان بالا كوتەرە المايتىنىن جەتكىزگەن. ميسسي سول ۋاقىتتا قاتتى قينالعانىن ايتادى.

انا اتانۋدان كۇدەرىن ۇزگەن مەسسي ءبىر كۇنى جۇكتى ەكەنىن بىلەدى. ونىڭ باقىتىندا شەك بولمادى. ول شەكەسى تورسىقتاي ۇلدىڭ اناسى اتاندى.

ميسسي ءوزىن 36 جىل بۇرىن قۇتقارىپ قالعان دارىگەردى تاۋىپ، العىسىن بىلدىرۋگە بەكىندى. وسىلايشا ميسسي مەن ونىڭ قۇتقارۋشىسى كەزدەستى. ول ۋاقىتتا دەنني اق شاشتى، سارى ءتىستى قاريا ەدى. 

دايىنداعان: اسەم المۇحانبەت