ەكسپو قالاشىعىنداعى نىساندار قۇرىلىسى 98 پايىزعا دايىن، دەپ حابارلايدى قامشى اقپارات اگەنتتىگى حابار اگەنتتىگىنىڭ مالىمەتىنە سۇيەنىپ.

بۇل تۋرالى ۇلتتىق كومپانيانىڭ وكىلدەرى مالىمدەدى. ازىرگە اياقتالماي تۇرعانى – 2 عيمارات.  جوسپار بويىنشا ولار دا كورمە باستالعانعا دەيىن پايدالانۋعا بەرىلەدى. سونداي-اق كەشەن اۋماعىندا وتكىزىلەتىن ءىرى ءىس-شارالار جايى دا بەلگىلى بولدى.  ماسەلەن، ماۋسىمنىڭ 11-14 كۇندەرى مينيسترلەر كونفەرەنسياسى جوسپارلانعان.

 جيىندا 2030 جىلعا دەيىنگى ەنەرگيانى ۇنەمدەۋ مەن زياندى قالدىقتاردى ازايتۋدىڭ الەمدىك جوسپارى تالقىلانادى.  

بولات اقشولاقوۆ، KAZENERGY قاۋىمداستىعىنىڭ باس ديرەكتورى:  -مينيسترلەر كونفەرەنسياسىنا 50-دەن استام مەملەكەت قاتىسادى دەپ كۇتىلۋدە. ونىڭ ىشىندە جيىرماعا جۋىعى – ەنەرگەتيكا مينيسترلەرى مەن ۆيسە-مينيسترلەر. سونىمەن قاتار حالىقارالىق ۇيىمداردىڭ 10 باسشىسى قاتىسادى دەپ جوسپارلاپ وتىرمىز. 

شولۋشى : ايگەرىم تاۋباي