الماتى قالاسى مەدەۋ اۋداندىق ءىىب قىزمەتكەرلەرى الەۋمەتتىك جەلىلەردە ءبىر ادامنىڭ تويلارعا بارىپ، قوناقتاردىڭ ۇيالى تەلەفونىن ۇرلاپ كەتىپ ءجۇر دەلىنگەن حابارلامانى تەكسەردى، - دەپ حابارلايدى قامشى اقپاراتتىق اگەنتتىگى Tengrinews.kz باسىلىمىنا سىلتەمە جاساپ. 

"جەدەل-ىزدەستىرۋ شاراسىن جۇرگىزۋ بارىسىندا وڭتۇستىك قازاقستان وبلىسىنىڭ 1983 جىلعى تۋماسى ۇستالدى. ەر ادام شىن مانىندە توي ءوتىپ جاتقان مەيرامحانالارعا بارىپ جۇرگەن. ول كوبىندە ۇيلەنۋ تويلارىنا بارىپ، ۋاقىتىن كوڭىلدى وتكىزىپ قانا قويماي، زاڭسىز بايۋمەن اينالىسقان. قۇدالاردىڭ تاراپىنان كەلگەندەي بولىپ، ەر ادام ۇيالى تەلەفونداردى الىپ كەتىپ جۇرگەن. ءبىزدىڭ اۋدان بويىنشا مۇنداي ەپيزودتاردىڭ سانى قازىرگى ۋاقىتتا - 7"، - دەپ حابارلادى مەدەۋ اۋداندىق ءىىب باسشىسى پوليسيا پولكوۆنيگى ەسەن ىسقاقوۆ. 

وسىلايشا، بۇل ازاماتتىڭ ارەكەتىندە ق ر قىلمىستىق كودەكسىنىڭ 188-بابىندا قاراستىرىلعان قىلمىس بەلگىلەرى بار. ياعني بىرنەشە مارتە مۇلىك توناۋ. وسى ارەكەتىنە زاڭدا جاۋاپكەرشىلىك قاراستىرىلعان. سونىمەن قاتار، فيگۋرانت استاناداعى تويلاردا دا ۇيالى تەلەفون ۇرلىعىنا قاتىسى بار بولۋى مۇمكىن ەكەنى ايتىلىپ وتىر.  

"نۇسقالاردىڭ ءبىرى بويىنشا، ەر ادام استاناداعى توي قوناقتارىن ۇرلاعان كەزدە ۆيدەوعا ءتۇسىپ قالعان. قازىرگى ۋاقىتتا تەرگەۋ جۇرگىزىلىپ جاتىر. ق ر قپك-نىڭ 128-بابىنىڭ تارتىبىندە كۇدىكتى ۋاقىتشا ۇستاۋ يزولياتورىنا قامالدى"، - دەپ ناقتىلادى ىسقاقوۆ.