بۇگىنگى كۇندە ەرلى-زايىپتىلار ءبىر-بىرىن وزىنە ءتان ەرەكشەلىكتەرىمەن  قابىلداي الماعانى ءۇشىن جانۇيا رەنىشكە تولى "شايقاس الاڭىنا" اينالۋدا. جۇبايلار ءبىر-بىرىن وزگەرتۋگە، وزىنە ءتان ەرەكشەلىكتەرىنەن باسقا xالگە اينالدىرۋعا تىرىسىپ، "شايقاسىپ" جۇرگەن كەزىندە قامشىنىڭ سابىنداي قىسقا ءومىر زۋىلداپ ءوتىپ جاتادى. ەگەر ارتىڭا قاراۋعا مۇرشا تاۋىپ قاراي الساڭ، ارتىڭنان تەك قانا رەنىشكە تولى جىلدار مەن رەنجىگەن ادامداردى قالدىرعانىڭدى بايقايسىڭ. 
   ەگەر ايەل ەردىڭ الدىن وراپ، ەردىڭ فۋنكسيالارىن اتقارۋعا باستاسا، ەر ادام بەلسەندىلىك قاۋقارىنان ايرىلا باستايدى. ەر ادام بەلسەندىلىگىن جوعالتار بولسا، ايەل اگرەسسيفتى بولادى. ال، ەگەر ەر ادام اگرەسسيفتى بولىپ، اشۋشاڭدىققا سالىنسا، ايەل زاتى شاراسىز كۇي كەشەدى. ايەل شاراسىزدىققا تۇسسە، ەكى ورتادا بالالار ەزىلىپ، ءوز اكەلەرىنەن زۇلىمدىق كورەدى. سوندىقتان دا، جۇبايلار ءوز قارىم-قاتىناسىندا ءوز ورىندارىن ءبىلىپ، ورتا جولدى تابۋى ءتيىس. 
   ءبىر ءسات بولسا دا باقىتتىڭ ەڭ باستى نەگىزى "شارتسىز قۇرمەت" پەن "ءار ادامدى سول كۇيىندە قابىلداي الۋ" ەكەنىن ۇمىتپاعانىمىز ءجون!
   سونىمەن قاتار، ادام وزىنە كورسەتىلگەن قىسىم مەن قيناۋلار ارقىلى جاقسى ادام بولمايدى، ءوزى جاقسى ادام بولۋعا شەشىم قابىلداۋ ارقىلى جاقسى ادامعا اينالادى.
   ءدال سول سەكىلدى، جازامەن قورقىتىپ نەمەسە سىيلىقپەن قىزىقتىرۋ ارقىلى "جاقسى مىنەز-قۇلىققا يە بولعان" بالانى تاربيەلى بالا دەۋگە بولمايدى. تاربيەلى بالا دەپ ءبىر ارەكەتتىڭ قاتە ەكەنىن ءتۇسىنىپ، سول ارەكەتتەن باس تارتا الاتىن ەرىك كۇشىنە يە بالانى اتاۋعا بولادى. 
   قورىتىپ ايتار بولساق، باقىتتى وتباسىنىڭ نەگىزىن وتباسى مۇشەلەرى ءبىر-بىرىن ەڭ ءبىرىنشى ادام بولعانى ءۇشىن سىيلاپ، ءبىر-بىرىن اۋىستىرۋعا كۇش جۇمساعانشا، ولاردى سول كۇيىندە جاقسى كورۋگە كۇش جۇمساۋ ارقىلى قالاي الادى.

 

ەلجاس ەرتاي ۇلى