اقسۋدىڭ «رۋسسكيە ۋزورى» ۇلگىلى حالىق فولكلورلىق ءانسامبلى تاتارستان استاناسى – قازان قالاسىندا وتكەن «مادەنيەت ۇيلەسىمى. مۋزىكا» اتتى ءحىح حالىقارالىق بايقاۋ-فەستيۆالىنىڭ باس جۇلدەسىن يەلەندى دەپ حابارلايدى قامشى اقپاراتتىق اگەنتتىگى.

بالالاردىڭ ءان ايتۋ مەن بي بيلەۋ مانەرى، سونىمەن قاتار جوعارى ارتىستىك شەبەرلىكتەرى قازىلار القىسىن ءتانتى ەتتى. 17 جاس ءارتىس ساحنادا «پري لۋجكۋ» اتتى كازاكتاردىڭ جانە «پرولەگالا پۋت-دوروجكا» دەگەن ورىس  حالقىنىڭ كوپشىلىككە تانىمال مۋزىكالىق كومپوزيسيالارىن ورىندادى.

– «حالىق ءان ايتۋ» اتالىمىندا رەسەي جانە تمد-ەلدەرىنەن 80 استام شىعارماشىلىق ۇيىمنىڭ بار ونەرىن پاش ەتتى. قازاقستان نامىسىن ءبىز قورعادىق. فەستيۆالگە الدىن الا دايىندالدىق، رەپيتيسيالارعا ءۇش ايداي ۋاقىت كەتتى. ءنومىرىمىز حالىق ۆوكالى مەن ورىس حالىق ءبيىنىڭ ەلەمەنتتەرىن ۇيلەستىردى. قازىلار القاسىنىڭ سوزىنشە، بالالارىمىزدىڭ شىعارماشىلىق دارىنى، ەنەرگەتيكاسى باسقالارعا قاراعاندا ەداۋىر جوعارى ءارى ءان ايتۋ مەن بي بيلەۋ ۇيلەسىمىن ەرەكشە باعالادى، – دەدى ءانسامبلدىڭ حورەوگرافى نادەجدا كۋزمەنكو.

ونەرپازداردىڭ شاراعا قاتىسۋىنا قاجەتتى قاراجات ERG مەن پاۆلودار وبلىسى اكىمدىگى اراسىندا 2017-2018 ج.ج. جاسالعان الەۋمەتتىك جوبالاردى ىسكە اسىرۋ جونىندەگى ىنتىماقتاستىق مەموراندۋمى شەڭبەرىندە بولىنگەن.  ايتا كەتەتىن جايت، ەۋرازيالىق توپ (ERG) قۇرامىنداعى «ەۋروازياتتىق ەنەرگەتيكالىق كورپوراسياسى» اق باستاما كوتەرىپ، «رۋسسكيە ۋزورى» ءانسامبلىنىڭ بايقاۋعا قاتىسۋىن قارجىلاندىرۋ تارماعىن اتالعان مەموراندۋمعا ەنگىزگەن بولاتىن. سول سەبەپتى، ونەرپازداردىڭ اتا-انالارى مەن جەتەكشىلەرى ەەك باسشىلىعىنا ءانسامبلدىڭ حالىقارالىق فەستيۆالگە قاتىسۋىنا قولعابىس ەتكەنى ءۇشىن العىس ءبىلدىردى.

«...انسامبل ءبىرىنشى ساناتتى لاۋرەاتى اتانىپ، بارلىق قاتىسۋشىلارى اراسىندا باس جۇلدەسىنە يە بولدى! ۇجىم جەتەكشىسى لاريسا بابكيناعا «ۇزدىك حورمەيستەر» دەگەن ماراپات بۇيىردى. ءانسامبلدىڭ تاعى دا ءبىر تابىسى  – «حالىق داستۇرلەرىن ساقتاۋ ءۇشىن» جۇلدەسى (كۋبوك). فەستيۆال قورىتىندىسى بويىنشا حالىق ءانسامبلى قازان ايىندا  سانكت-پەتەربۋرگتە وتەتىن سۋپەر-فينالعا جولداما الدى. جارايسىڭدار!!! كوركەمدىك جەتەكشىلەر جانە بالالاردىڭ جوعارى كاسىبيلىگى جانە ەڭبەگى انىق كورىندى. انسامبل ەەك قارجىلىق قولداۋى ءۇشىن ريزاشىلىعىن بىلدىرەدى»،– دەلىنگەن «رۋسسكيە ۋزورى» وك رەسمي پاراقشاسىندا ورنالاستىرىلعان حابارلامادا.