استانالىق پوليسەيلەر ەكى جەڭگەتايدى قولعا ءتۇسىردى. ۇستالعان ايەلدەر ەندى بەس جىل مەرزىمىندە جازاسىن تەمىر توردىڭ ار جاعىندا وتەيتىن بولادى، دەپ حابارلايدى قامشى اقپاراتتىق اگەنتتىگى patrul.kz باسىلىمىنا سىلتەمە ءجاساپۇ
"استانا اۋماعىندا وتكىزىلەتىن "قۇقىق ءتارتىبى" جەدەل الدىن الۋ ءىس-شاراسى بارىسىندا جەڭگەتايلىق جاساۋدىڭ ەكى دەرەگى انىقتالدى. قالاداعى ساۋنالاردىڭ بىرىندە 44 جاستاعى اكىمشى ايەل قولعا تۇسكەن، ول كليەنتىن 26 جاستاعى جەزوكشەمەن اقشاعا تابىستىرعان. سونىمەن قاتار، ۇيىمداسقان قىلمىستارعا قارسى كۇرەس باسقارماسىنىڭ قىزمەتكەرلەرى تاعى ءبىر ساۋنانىڭ اكىمشىسىن اتالمىش كاسىبى ءۇشىن قۇرىقتادى. انىقتالعانداي، بۇل ايەل بەلگىلى ءبىر تابىستى كوزدەپ، قاساقانا 30 جاستاعى ساۋنا كليەنتىن 33 جاستاعى جەڭىل ءجۇرىستى قىزبەن تانىستىرعان. سول ءۇشىن دە اقشالاي سىياقى الدى"، - دەپ مالىمدەدى استانا ق. ىىد-ندە.
ەكى جەڭگەتاي ۋاقىتشا ۇستاۋ يزولياتورىنا توعىتىلدى. تەرگەۋ جۇرگىزىلۋدە.
ەلىمىزدىڭ باس قالاسىندا وتكىزىلىپ جاتقان "قۇقىق ءتارتىبى" جەدەل الدىن الۋ ءىس-شاراسى تارتىپتىلىك پەن قىلمىستىق احۋالدى ءتيىستى تۇردە ۇستاۋعا، سونداي-اق، استانا قالاسىنىڭ كوشەلەرى مەن قوعامدىق ورىنداردا قىلمىستار مەن قۇقىق بۇزۋشىلىقتاردى انىقتاۋ جانە جولىن كەسۋگە باعىتتالعان.
