47 جاستاعى ليز بارتون تۇقىم قۋالايتىن نەيروفيبروماتوز دەرتىنە شالدىققان. مۇنداي اۋرۋمەن اۋىراتىنداردىڭ بارلىق دەنەسىندە قاتەرسىز ىسىك وسەدى. ءقازىر ليزانىڭ دەنەسىندە 100-دەن اسا ىسىك بار.

ليز 5 جاستا بولعاندا اتالمىش اۋرۋدىڭ  العاشقى بەلگىلەرى پايدا بولدى. 16-عا تولعاندا ونىڭ جاعدايى ناشارلادى. ول كەزدە قىز ارقاسىندا گولفتىڭ دوبىنداي ىسىكتىڭ بارىن سەزدى. ول ومىرتقادا وسە باستادى. ونى وپەراسيا ارقىلى الىپ تاستادى. وسىدان كەيىن ءليزدىڭ ومىرتقاسى كيفوتيكالىق دەفورماسياعا ۇشىرادى. ليز مۇنى ومىرىندەگى ەڭ قيىن كۇن بولعانىن ايتادى.  

«ىسىكتەر مەنىڭ دەنەمدە تۇرىپ قالعان قاتتى جاڭعاققا ۇقسايدى. ونىڭ باسىمدا دا بارىن بىلەمىن. مەن ونى سەزەمىن» دەيدى ليز.

وپەراسياعا دەيىن ول اياعىن سەزبەدى جانە سويلەگەن ءسوزى انىق بولمادى. وسىنىڭ سالدارىنان مەكتەپكە بارا المادى. الايدا ىسىك الىنىپ تاستالعاننان كەيىن ونىڭ ارقاسى 100 گرادۋسقا ءيىلىپ قالدى. ءقازىر ايەل ەشتەڭە ەستىمەيدى. كورۋ قابىلەتى دە تومەن. نەيروفيبروماتوز ەستە ساقتاۋ قابىلەتىنە دە اسەر ەتەدى.

«بۇل وتە قيىن. بالالارىما جانىم اشيدى. مەن جىلداپ دالاعا شىقپادىم. ەندى جاسىرىنعىم كەلمەيدى».

ءليزدىڭ 3 بالاسى بار. ولار 14 جاستاعى ەلليوت، 16 جاستاعى ليۋسي جانە 21 جاستاعى دجوشۋا. بالالارىنىڭ بارلىعىنا اۋىر دەرت بەرىلگەن ەكەن. ەلليوتتىڭ ىشىندە ىسىك بار. ال ليۋسيدە باسىندا. دجوشۋا دەنى ساۋ دەپ ويلايدى. الايدا اناسى وعان سەنىمدى ەمەس ەكەنىن ايتادى. 

شولۋشى: اسەم المۇحانبەت