امەريكاندىق ەمي پۋل ەسىمدى ايەل العاش رەت ءوزىنىڭ بالاسىنا قاراعاندا ونىڭ وزگەشە مۇرنىن كورىپ قاتتى تاڭعالعان، دەپ حابارلايدى قامشى اقپاراتتىق اگەنتتىگى شەتەلدىك باق-قا سىلتەمە جاساپ.

جەرگىلىكتى باق-قا سۇحبات بەرگەن ايەل ۇلىن ەڭ ءبىرىنشى رەت كورگەندە ءتىلى بايلانىپ قالعانىن ايتادى. الايدا بىرنەشە ۋاقىتتان سوڭ ساباسىنا ءتۇسىپ، اينالاداعى ادامداردىڭ نە دەپ ايتاتىنىنا قاراماستان ونى جاقسى كورەتىنىن ايتقان.

ءولليدىڭ جاسى قازىرگى تاڭدا 2-دە. الايدا ونىڭ ءتۇرى ازداپ وزگەشەلەۋ بولعاندىقتان اناسى ەكەۋى بەيتانىس ادامداردىڭ «ۇسقىنسىز» دەگەن سياقتى جامان پىكىرلەرىنە قارسى تۇرۋى كەرەك.

ەمي پۋل جۇكتىلىكتىڭ 20-شى اپتاسىنا كەلگەندە دارىگەرلەر ونىڭ بالاسىنىڭ مۇرنىندا ءبىر اقاۋ بار ەكەنىن سەزگەن.

«ولار مەنىڭ قولىما ءولليدى بەرگەندە قاتتى تاڭقالىپ، ءتىلىم بايلانىپ قالدى. ول ءوزى وتە كىشكەنتاي بولدى، ال ونىڭ مۇرنىندا كولەمى گولف دوبىمەن بىردەي ۇلكەن دوپ بولدى. الايدا ونى قاتتى جاقسى كورەتىنىمدى ءبىلدىم»، - دەيدى ءولليدىڭ اناسى.

وللي ەنسەفالوسەلە دەپ اتالاتىن وتە سيرەك كەزدەسەتىن اۋرۋعا شالدىعىپ تۋىلعان: ونىڭ ميى باس سۇيگەنىدەگى جانە مۇرنىنداعى تەسىگىنەن ءوسىپ كەتكەن. ءبۇلدىرشىن وسكەن سايىن ونىڭ مۇرنى دا بىرگە ءوسىپ كەلەدى.

كوشەدەگى بەيتانىس ادامدار مەن بۇزاقى بالالار ءولليدى «ۇسقىنسىز» دەپ اتاپ، ساۋساقتارىن شوشايتا كورسەتۋدەن تانبايدى.

ولليگە بىرنەشە وتا جاسالعان. اناسى بالاسىن پىشاقتىڭ استىنا جاتقىزۋعا قيماعانىمەن، مەنينگيت اۋرۋىنا شالدىعۋ ءقاۋىپى بار بولعاندىقتان امالسىز كەلىسكەن. باقىتىنا وراي وتا ءساتتى ءوتىپتى.

اۋدارعان: نازەركە لابيحان