2017 جىلدىڭ 15 مامىرىندا «قازاقستان» رترك» اق-نىڭ  دەلەگاسياسى جۇڭگو حالىق رەسپۋبليكاسىندا ءىس-ساپاردا بولىپ، جۇڭگو ورتالىق تەليەۆيزياسىنىڭ (CCTV) پرەزيدەنتى نيە چجەنسيمەن كەزدەستى دەپ حابارلايدى قامشى اقپاراتتىق اگەنتتىگى. 
         كەزدەسۋ بارىسىندا بىرلەسكەن جوبالار ءوندىرىسى جانە كورپوراسيالار اراسىنداعى تاجىريبە الماسۋ بويىنشا ەكىجاقتى      ىنتىماقتاستىق  ماسەلەلەرى تالقىلاندى. 
          سونداي-اق، سستۆ-7، سستۆ-8 جانە سستۆ-12 تەلەارنالارىنىڭ جەتەكشىلەرىمەن كەزدەسىپ، تاراپتار اراسىندا بىرلەسىپ تەلەحيكايالار، دەرەكتى فيلمدەر جانە جوبالار ءوندىرۋ بويىنشا كەلىسىم ورنادى. 
         بۇدان بولەك، سول تەلەارنالاردىڭ پروديۋسەرلەرى جانە رەجيسسەرلەرىمەن شىعارماشىلىق بىرلەستىكتەر اراسىنداعى تاجىريبە         الماسۋ       ماسەلەلەرى         قاراستىرىلدى. 
        ال، 17 مامىردا «قازاقستان» رترك» اق دەلەگاسياسى چانشا قالاسىندا ورنالاسقان         «Hunan     TV» تەلەراديكورپوراسياسىنا      باردى. 
      بۇل كەزدەسۋدە Hunan TV پرەزيدەنتى ليۋ حۋانبين «قازاقستان» رترك» اق-مەن ىنتىماقتاستىقتى ورناتۋعا ۇلكەن قىزىعۋشىلىق ءبىلدىردى. كەلىسسوزدەر جۇرگىزىلىپ،  تاراپتار بولاشاق جوسپارلارىمەن ءبولىسىپ، بىرلەسكەن تەلەونىمدەر مەن كوركەم  فيلمدەر         ءوندىرىسى      بويىنشا   ۋاعدالاستى.

ايتا كەتەيىك، جۇڭگو ورتالىق تەليەۆيزياسى (CCTV) قىزمەتىن 1958 جىلدىڭ 2 قىركۇيەگىندە بەيجىڭ         قالاسىندا باستادى. 

Hunan TV 1997 جىلدىڭ قاڭتارىندا ىسكە قوسىلىپ، بۇگىنگى كۇنگە دەيىن قىتايداعى ەڭ كوپ قارالاتىن سپۋتنيكتىك ارنالار قاتارىندا ەكىنشى ورىندا.

«قازاقستان» رەسپۋبليكالىق تەلەراديوكورپوراسياسى «قازاقستان» ۇلتتىق تەلەارناسىن، «بالاپان»جانە «كazsport» ارنالارىن، قازاق راديوسىن، «شالقار»، «استانا»، «Classic» راديولارى مەن ايماقتىق تەلەراديوكومپانيالاردى بىرىكتىرەدى.