ەلىمىز بيىل كۇنى بۇگىنگە دەيىن اقش-نان 53 000 تونناعا جۋىق ەت اكەلدى. يمپورتتادى. دەمەك، ەلگە ەت جەتپەيدى. بۇگىن اۋىلشارۋاشىلىعى مينيسترلىگى ەلىمىزدە وندىرىلەتىن ەتتىڭ 10 000 تونناسىن شەت ەلدەرگە جىبەرمەك. ەكسپورتتايدى. وزىمىزگە جەتپەي جاتقان ەتتى شەتكە تاسىپ نە قۇنى بار؟! كەي اقپاراتتار بويىنشا كەيبىر پىسىقايلار افريكانىڭ كەڭ دالاسىندا ەركىن جوسىپ جۇرگەن انتيلوپا، بۋيۆول، زەبرانىڭ تەگىن ەتىن تمد ەلدەرىنە اكەلەتىن كورىنەدى. سول حارام ءونىمنىڭ ءبىزدىڭ ەت بازارلارىمىزدا جۇرمەگەنىنە كىم كەپىل؟! ەتتىڭ مول تۇتىناتىن استانا، الماتى، شىمكەنت، اقتوبە قالالارى. ۇكىمەت: - اگلومەراسيا قىلامىز - دەپ، جۇرگەن قالالار. ەڭ الدىمەن وسى قالالار ىرگەسىندە ەت جانە وزگە دە ماڭىزدى ازىق-تۇلىك ونىمدەرىن وندىرەتىن كاسىپورىندار اشاتىن كەز كەلدى. نە كەدەرگى؟ بۇل ازىق-تۇلىك پروبلەماسىن شەشۋمەن قاتار، جۇمىسسىزدىقپەن كۇرەسكە دە مول ۇلەسىن قوسار ەدى. بۇگىندە جوعارىدا اتالعان قالالار ىرگەسىندە تۇراتىن حالىقتىڭ 99 پايىزى قالا قاتىناپ، جۇمىس ىستەيتىنى انبەگە ايان. ويان، قازاق ۇكىمەتى!