ەمي اۆەريسس پەن لي شارپە ەسىمدى عاشىقتار تويلارىن 2017 جىلدىڭ تامىز ايىندا وتكىزۋدى جوسپارلاعان. الايدا ەمي ءجيى تالىپ قالاتىن بولدى. دارىگەرگە تەكسەرىلۋ بارىسىندا ونىڭ كوپ جىل بۇرىن اۋىرعان ونكولوگيالىق اۋرۋعا قايتا شالدىققانى بەلگىلى بولدى دەپ حابارلايدى قامشى اقپاراتتىق اگەنتتىگى Life.ru-عا سىلتەمە جاساپ.

وتباسىلىق جۇپ بىرنەشە اپتا وتكەننەن كەيىن تاعى ءبىر جاعىمسىز جاڭالىقتى ەستيدى. ەممي اۋىرىپ جۇرگەندە قولداۋ كورسەتىپ، قولىنان كەلگەنشە دەمەپ جۇرگەن ءليدىڭ باسىنان ىسىك تابىلعان. ءقاۋىپتى دەرت ەكەۋىنىن دە ومىرىنە ءقاۋىپ ءتوندىرىپ تۇر.

ەمي مەن ءليدىڭ ازاماتتىق نەكەدە تۇرعانىنا 13 جىل بولدى. ولاردىڭ 3 بالاسى بار. وتباسىلىق جۇپ ادەمى توي وتكىزۋدى جوسپارلاپ جۇرگەن. الايدا اۋرۋ ەكەۋىنىن دە ومىرىنە ءقاۋىپ ءتوندىرىپ تۇر. مۇنى بىلگەن دوستارى ەمي مەن ليگە 4 كۇننىڭ ىشىندە كەرەمەت توي جاساپ بەردى.

توي كەزىندە ەمي كوز جاسىنا ەرىك بەرمەۋى ءۇشىن ءوزىن ارەڭ ۇستاعان.

«ءبىزدىڭ ءار كۇنىمىز ومىرىمىزدەگى سوڭعى كۇن بولۋى مۇمكىن. سوندىقتان ءوزىڭىز ارمانداعان ءىسىڭىزدى كەيىنگە قالدىرماڭىزدار» دەدى لي شارپە.

شولۋشى: اسەم المۇحانبەت