نيۋ-يوركتە امەريكانىڭ كاسىبي باعباندارىنا قازاقستاندىق المالاردىڭ تاريحى تۋرالى ارنايى ءدارىس بەرىلدى، دەپ حابارلايدى Bnewz.kz ق ر ءسىم باسپا ءسوز قىزمەتىنە سىلتەمە جاپ.

 مەكەمەنىڭ دەرەكتەرىنە سۇيەنسەك، بۇل شارانى قازاقستاننىڭ نيۋ-يوركتەگى باس كونسۋلدىعى، «قازاقستان-امەريكا اليانسى» كوممەرسيالىق ەمەس ۇيىمى، نيۋ-يورك قالاسىنىڭ اكىمدىگى بىرلەسىپ ۇيىمداستىردى. دارىسكە قاتىسقان باعباندار قازاقستان المالارىنىڭ اۋرۋعا ءتوزىمدى ەكەنىن، شاعىن عانا اۋماقتا المانىڭ الۋان ءتۇرىن وسىرۋگە بولاتىنىن، تابيعي ءدامى مەن كولەمىنىڭ ەرەكشە بولاتىنىنان حاباردار بولعان. باس كونسۋل راۋشان ەسبولاتوۆانىڭ ايتۋىنشا، مۇنداي دارىستەر امەريكالىقتارعا قازاقستان تاريحىمەن جانە مادەنيەتىمەن جاقىننان تانىسۋعا مۇمكىندىك بەرەدى. «بۇگىنگى كۇنى نيۋ-يوركتە 50 ءتۇپ قازاقستان الماسى وتىرعىزىلعانىن كوپ ادام بىلە بەرمەيدى. سوندىقتان، بۇل دارىستەر قازاقستاندىقتار مەن وزگە دە شەتەلدىك تۋريستەرگە قازاق الماسىنىڭ كەرەمەتىن تانۋعا مۇمكىندىك بەرەدى»، - دەيدى ەسبولاتوۆا.

قامشى-اقپارات