نۇرسۇلتان نازاربايەۆ ەۋرازيالىق ەكونوميكالىق وداق تۋرالى شارتتى راتيفيكاسيالاۋ تۋرالى زاڭعا قول قويدى. بۇل تۋرالى Tengrinews.kz جاڭالىقتارى اقورداعا سىلتەمە جاساپ حابارلادى.  

وتكەن اپتادا بۇل قۇجاتتى قازاقستان پارلامەنتى راتيفيكاسيالاعان بولاتىن. پارلامەنت پالاتالارى قورىتىندىسىندا شارتتىڭ ەۋرازيالىق ەكونوميكالىق وداققا مۇشە مەملەكەتتەر حالقىنىڭ ءومىر ءسۇرۋ دەڭگەيىن ارتتىرۋ مۇددەسى ءۇشىن ەلدەر ەكونوميكاسىنىڭ تۇراقتى دامۋىنا جاعداي جاساۋعا باعىتتالاتىنى ايتىلعان ەدى. قۇجاتتى قابىلداعان بەلارۋس پارلامەنتى بولسا ەل ەكونوميكاسىنا ىڭعايلى ءبىر قاتار تالاپتى وداق شارتىنا ەنگىزە ءبىلدى.

وتكەن اپتادا مينسكىدە تمد مەملەكەتتەرى باسشىلارىنىڭ كەزدەسۋى بارىسىندا ارمەنيانىڭ ەاەو-عا قوسىلۋى تۋرالى كەلىسىمشارتقا قول قويىلدى. بۇگىندە بۇل ۇيىمعا مۇشە بولۋعا قىرعىزستان ازىرلەنىپ جاتىر.  قازاقستان، رەسەي مەن بەلارۋس وسى جىلدىڭ مامىر ايىندا استانادا ەۋرازيالىق ەكونوميكالىق وداق تۋرالى شارتقا قول قويعان بولاتىن. ول 2015 جىلدىڭ 1 قاڭتارىندا كۇشىنە ەنەدى. 

قامشى-اقپارات