استانانىڭ قوعامدىق كولىك جۇرگىزۋشىلەرى مەن كوندۋكتورلارى ارنايى فورما كيەتىن بولدى دەپ حابارلايدى قامشى اقپاراتتىق اگەنتتىگى استانا قالاسى جولاۋشىلار كولىگى باسقارماسىنىڭ باسشىسى بەكمىرزا يگەنبەردينوۆكە سىلتەمە جاساپ. بۇل تۋرالى باسقارما باسشىسى باسپا ءسوز ءماسليحاتىندا ايتتى.
ارنايى جۇمىس كيىمىنىڭ باعاسى 35 مىڭنان باستالادى. وعان قىسقا جەيدە، ۇزىن جەيدە، شالبار، سىرت كيىم جانە باس كيىم كىرەدى.
ايتا كەتەيىك، بەكمىرزا يگەنبەردينوۆ بولاشاقتا كوندۋكتورلار اۆتوبۋستا مۇلدە بولماۋى مۇمكىن ەكەنىن دە ايتتى. جۇمىسپەن قامتۋ ورتالىعىمەن سويلەسىپ، كوندۋكتورلاردى باسقا جۇمىسقا اۋىستىرۋ ماسەلەسىن قاراستىراتىنىن جەتكىزدى.
شولۋشى: اسەم المۇحانبەت
پىكىر قالدىرۋ