قازاقستاندا "جول قوزعالىسى تۋرالى زاڭ" كۇشىنە ەندى، - دەپ حابارلايدى Tengrinews.kz. 20 قازاننان باستاپ "جول قوزعالىسى تۋرالى زاڭ" عانا ەمەس، "قازاقستان رەسپۋبليكاسىنىڭ كەيبىر زاڭنامالىق اكتىلەرىنە كولىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭىنىڭ كەيبىر نورمالارى دا كۇشىنە ەنەدى. ول جاڭا قۇجاتتاعى وزگەرىستەر:

"جول قوزعالىسى تۋرالى" زاڭىنىڭ جاڭا نورماسىنا سايكەس، مەحانيكالىق كولىك جۇرگىزەتىن 65 جاستان اسقان جۇرگىزۋشىلەر ءار ەكى جىل سايىن قايتا مەديسينالىق قاراۋدان وتەدى. ادام جانە ءقاۋىپتى جۇك تاسىمالدايتىن كولىكتەر جول قوزعالىسى قاۋىپسىزدىگىن ساقتاۋ ماقساتىندا اسپاپ-قۇرالدار پانەلىندە جەدەل قىزمەت شاقىراتىن قۇرىلعى ورناتۋى كەرەك.  

"جول قوزعالىسى تۋرالى" زاڭنىڭ ايتارلىقتاي جاڭالىعى - جاڭا جۇرگىزۋشى كۋالىگى. ولاردا جەتى كاتەگوريا بولادى: A، ۆ، س، D؛ BE؛ سە؛ DE جانە التى بولىگى: ا1، ۆ1، س1، D1، C1E جانە D1E. بۇل سكۋتەر، موكيك (ا1)، تريسيكل (ۆ1) جانە باسقا ميني-ترانسپورتتاردى پايدالانۋعا بەرۋدى رەتتەيدى. جاڭا كولىك جۇرگىزۋشى كۋالىكتەرىن ءبىرىنشى رەت الىپ وتىرعاندار الادى، ال ەسكى نۇسقاداعىلار جۇرگىزۋشى كۋالىگى مەرزىمى بىتكەنشە جارامدى بولادى. جاڭا نۇسقاداعى كۋالىكتى العىسى كەلگەندەر ءۇشىن ەرىكتى تۇردە بەرىلەدى.

ماقتانىپ قالعىسى كەلەتىندەر "جول قوزعالىسى تۋرالى" زاڭنىڭ ارقاسىندا "ادەمى" نومىرلەردى ەركىن الا الادى. بۇل ءۇشىن جۇرگىزۋشىلەر حالىققا قىزمەت كورسەتۋ ورتالىعىنا بارۋى ءتيىس. مەملەكەتتىك تىركەۋ ءنومىر بەلگىلەرى: 100، 111، 200، 222، 300، 333، 400 - 253 724 تەڭگە. ءدال وسىنداي باعا 444، 500، 555، 600، 666، 700، 800، 888، 900، 999 ءنومىر بەلگىلەرىنە دە قويىلعان. ال 001، 002، 003، 004، 005، 006، 007، 008، 009، 777 سياقتى ەرەكشە نازارداعى ءنومىر بەلگىلەرى "سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى" زاڭىندا 422 256 تەڭگە دەپ كورسەتىلگەن. مۇنىمەن بىرگە، مەملەكەتتىك ورگانداردىڭ قاراۋىنداعى كولىكتەردىڭ ءنومىر بەلگىلەرىنە دەگەن سالىق - 5186 تەڭگە.  كولىك تىزگىندەۋشىلەرگە كولىك كۋزوۆىنا اەروگرافيالىق ءۇش ولشەمدى سۋرەت سالۋعا تىيىم سالادى. 

سونىمەن قاتار، اۆتوكولىك جۇرگىزۋگە بەرىلگەن سەنىمحات پوليسيادا تىركەلمەسە جاۋاپكەرشىلىككە تارتۋ كوزدەلگەن. تىركەلمەگەن جاعدايدا جۇرگىزۋشىگە 0.5 ايلىق ەسەپ كورسەتكىشى سوماسىندا (926 تەڭگە) ايىپپۇل سالىنادى.    "جول قوزعالىسى تۋرالى" زاڭ جەمقورلىقتىڭ الدىن الۋ ماقساتىندا جۇرگىزۋشىگە ينسپەكتور اۆتوكولىگىنە وتىرۋعا تىيىم سالادى. سونىمەن بىرگە، بۇل زاڭدا پوليسەيلەردىڭ جۇرگىزۋشىنى توقتاتۋدىڭ نەگىزگى سەبەپتەرى جازىلعان. توقتاۋ مەن تۇراق بەلگىسى جوق جول مەن كوشەلەردە كولىك قويۋعا جانە توقتاۋعا بولمايدى.   

"جول قوزعالىسى تۋرالى" زاڭ 4 جىلدان ەسكى ەمەس (شىققان جىلىن قوسقاندا) كولىكتەردىڭ مىندەتتى تەحنيكالىق قاراۋدان وتكىزۋدەن بوساتادى. 4 جىلدان اسپاعان كولىكتەردىڭ ىشىندە جۇرگىزۋشىنى قوسپاعاندا 8 ورنى بار جانە كوممەرسيالىق ماقساتتا قولدانىلاتىن كولىكتەر دە تەحنيكالىق بايقاۋدان وتۋگە مىندەتتى ەمەس.

قامشى-اقپارات